رووسیا: دانوستاندنێن ھەولێر و بەخدایێ وێ ئارامییا ئیراقێ موکم بکە

رووسیا: دانوستاندنێن ھەولێر و بەخدایێ وێ ئارامییا ئیراقێ موکم بکە

نوونەرێ بەرەدوامێ رووسیا فه‌ده‌رال ل نەتەوەیێن یه‌كبوویی راگەھاند، رووسیا ھێڤیدارە ڤالاھیا دەستھلاتێ ل ئیراقێ درست نەبە و پەیوەندی و ژ ھەڤ تێگهشتنا ھەولێر و بەخدایێ بەردەوام بە.

ڤاسیلی نیبینزیا نوونەرێ رووسیا ل نەتەوەیێن ھەڤگرتی گۆت: «ھێڤیدارین فراکسیۆنێن مەزنێن پارله‌مه‌نا ئیراقێ د وێ دەما کو دەستوورێ ب وان دەستیشان کریە، کەسەکێ ژ بۆ پۆستا سەرۆک وەزیرێ ئیراقێ دەستنیشان بکن و رێ نەدن ڤالاھییا دەستھەلاتێ درست ببە».

ڤاسیلی نیبینزیا گۆت: «دەستنیشانکرنا کاندیدێ سەرۆک وەزیران، دبە سەدەما بوراندنا ناکۆکیێن ناڤخوەیێ و ڤەگەراندنا ئارامیێ ژ بۆ ئیراقێ».

دەربارێ ھەرێما کوردستانێ و ئیراقێ ژی نوونەرێ رووسیایێ گۆت: «د چارچووڤەیا دانوستاندنێن نشتیمانی دە گرینگە دانوستاندنێن د ناڤبه‌را ھەولێر و بەخدایێ دە بەردەوام ببە، داکو جارەکا دن ژ ھەڤ تێگه‌هشتن ڤەگەرە د ناڤبەرا ھەولێر و بەخدایێ دە».

پشتی دەست ژ کار ڤەکشاندنا سەرۆک وەزیرێ ئیراقێ، ئادل ئەبدولمەھدی ل رۆژا یەکشەمبیا رابووری 1/12/2019ان ژ دوھـ ڤە سەرۆک کۆمارێ ئیراقێ، بەرھەم سالھـ دەست ب ھەولێن خوە کریە ژ بۆ دەستنیشانکرنا كاندیده‌كی ژ بۆ پۆستا سەرۆک وەزیرێ ئیراقێ.