ویلایه‌تێن یه‌كبوویی یێن ئه‌مه‌ریكایێ پلانه هه‌یه، ئێنته‌رنێتا بێ به‌رانبه‌ر ژ بۆ گه‌لێ ئیرانێ دابین بكه، پشتی كو رژێما وی ولاتی هێلا ئێنته‌رنێتی قوت كری ژ بۆ كو تاوانێن وێ ل دژی گه‌لێ سڤیل نه‌یێن دیتن و بهیستن.
کۆڤارا ئەمریکی ئا ب ناڤێ پۆلەتیکۆ رۆژا سێشەمی ئا رابووری ب ڤەگوهاستن ژ زارێ رایەدارێن ئەمەریکی ئەشکەرە کر، هکوومەتا ئەمەریکایێ وێ رێیێن جودا بکار بینە ژ بۆ گڤاشتن ل سەر ئیرانێ، ژ وان رێیان راکرنا قەدەخەیا ل سەر ئینتەرنێتێ و زێدەکرنا پشتەڤانیا مەدیایی د ئاراستا پشتەڤانیکرن ژ گەلێ نەرازی ئێ ئیرانێ ئیرانێ دە.
ڤێ کۆڤارێ د درێژاهیا راپۆرا خوە دە دیار کر، هاریکارێن ترامپ نها مژوولی هەلسەنگاندنا سزایێن نوو نە ل دژی ئیرانێ، ئەڤ سزایە وێ بشتبەستنێ ل سەر وان زانیاریێن دەست کەتی ژ 36000 هزار وێنە، ڤیدیۆ و دەکیۆمێنتێن دن ئێن پەیوەست ب خوەپێشاندانێن ئیرانێ یە کو تێده هکوومەتا ئیرانێ ب رەنگەکە هۆڤ سەرەدەریێ دگەل خوەپێشاندران دکە.
رایەدارێن هایدار ژ ڤێ بەرنامەیا هکوومەتا ئەمەریکایێ ئەشکەرە دکن، ئەمەریکا وێ ب هنەک رێیێن نوو ئینتەرنێتێ بگهینە گەلێ ئیرانێ، ئەڤ رێیە ژ بۆ ئالیکاری کرنا گەلێ ئیرانێ یە ل دژی هکوومەتا ڤی ولاتی و شکاندنا وێ سانسۆرا ئینترنێتێ و نەهێلانا چاڤدێریا ئیرانێ ل سەر هێلێن ئینتەرنێتێ.
د ڤێ راپۆرا کۆڤارا ئەمەریکی دە هاتیە کو تیما ترامپ ل وێ باوەرێ نە کو خوەپێشاندانێن ئیرانێ، نیشانا سەرکەتنا سیاسەتا «گڤاشا بهێز» ئا ئەمەریکایێ ل دژی ئیرانێ یە کو بوویە سەدەما بهێزکرنا دژبەرییا هەمولاتیێن ئاسایی ل دژی ئیرانێ.
