سەرۆکێ فەرەنسایێ ئیمانۆئێل ماکرۆن رادگهینە، ئەم رووسیایێ وەکە دوژمنا پەیمانا باکورێ ئەتلەسی “ناتۆ” مێزە ناکین بەلکو دوژمنا سەرەکە ئا ناتۆیێ د ڤێ دەمێ دە تەرۆرا ناڤدەولەتی یە.
ئیمانۆئێل ماکرۆن سەرۆکێ فرەنسایێ د پێگەها خوە ئا تایبەت د تۆرا جڤاکی ئا فەیسبۆکێ دە نڤیساند” کی دوژمنێ ناتۆیێ یە؟ رووسیا دوژمن نینە. هەرچەند د هنەک جیان دە رووسیا دبە گەف لسەر ناتۆیێ و گەفێن وێ بەردەوام دکن، لێ بەلێ رووسیا د هنەک بابەتان دە هەڤپارا مە یە”.
ماکرۆن هەر وها نڤیساند کو “ئیرۆ دوژمنا سەرەکە ئا ناتۆیێ، تەرۆرا ناڤدەولەتی یە، ب تایبەتی تەرۆرا ئیسلامی”.
دوه د دەما برێڤەچوونا جڤینا بلند ئا سەرکردەیێن ولاتێن ئەندام د ناتۆیێ دە کو ل باژارێ لەندەنێ هات لدارخستن، ماکرۆن راگهاند: پێتڤی دکە لسەر پرۆسەیا خوە پر چەک کرنێ و چەکان ب تەڤاهی دانۆستاندنان دگەل رووسیێ پێک بینین”.
