مەسروور بارزانی سەرۆکێ ھکوومەتا ھەرێما کوردستانێ ب ھەلکەفتا بوورینا ١٠٠ رۆژان لسەر دەست بکار بوونا کابینەیا ٩اێ ئا ھکوومەتا ھەرێما کوردستانێ گۆتارەک بەلاڤ کر و تێدە دەستکەفتێن وان ١٠٠ رۆژێن کار کرنا ھکوومەتا نوو خستن بەرچاڤ.
مەسروور بارزانی د گۆتارا خوە دە راگھاند، کو وان ھەول دانە پەیوەندیێن خوە دگەل ھکوومەتا ئیراقێ بەرەف پێش ببن و لھەڤھاتنەکە تەڤاھی ئەنجام بدن لسەر ھەموو پرسێن دناڤبەرا ھکوومەتا ھەرێما کوردستانێ و ھکوومەتا ئیراقێ، ئەڤ یەک ژی لسەر بنیاتێ چار خالێن سەرەکە، کو ڤەدیتنا فۆرمۆلەیا دادپەروەریێ د پشکا بودجەیا ھەرێما کوردستانێ ل گۆرەی دەستوور و دەستھلات و مافێن ھەرێما کوردستانێ تایبەت د پرسێن نەفت و گازێ دە وەرن پاراستن، پسگرێکا ناڤچەیێن ڤەقەتاندی ژ ھەرێمێ ل گۆرەی دەستوور وەرن چارەسەر کرن و ھێزا پێشمەرگەیێن کوردستانێ بەشەک بن ژ سیستەما بەرەڤانیا ئیراقێ و مافێن دەستووریێن پێشمەرگەھان پاراستی بن.
د ڤێ گۆتارێ دە سەرۆکێ ھکوومەتا ھەرێما کوردستانێ ئەڤ یەک ئەشکەرە کر کو ھکوومەتا فەدەرالا ئیراقێ نیگەران بوونا مە وەرگرتیە و نھا ب ھەڤرە ئەم لسەر چارەسەریان دخەبتن بۆ میناک یەکەم جارە ھکوومەتا ھەرێما کوردستانێ بەشدار ئدبە د دارێشتنا رەشنڤیسا پرۆژە یاسایا بودجەیا سالانەا ئیراقێ دە.
مەسروور بارزانی دیسان بال کشاند سەر ڤێ یەکێ کو نھا بەشەک ژ بودجەیا ئیراقێ دگەھە دەست ھکوومەتا ھەرێمێ، گازا کەرکووکێ ژی ب ھەڤبەشی دھنێرن بازارێن جیھانێ، سییاسەتێن گۆمرکان ژی وەک ھەڤ کرنە.
مەسروور بارزانی پشت راستی دا ولاتییێن باشوورێ کوردستانێ کو ھکوومەتا ھەرێمێ وێ ھەموو ھەولدانان بکە ژ بۆ وێ یەکێ کو دگەل ھکوومەتا ئیراقێ دە بگھن لھەڤھاتنەکە دادپەروەرانە و مووچە و شایستەیێن داراییێن ھەرێمێ ھەیڤانە بگھن دەست ھکوومەتا ھەرێمێ و تو جارەکە دن مووچە نەھێ پاشەکەفت کرن.
سەرۆکێ ھکوومەتا باشوورێ کوردستانی راگھاند کو ھکوومەت وێ ب ھەموو ئیمکانیاتێن خوە خزمەتا گەلێ باشوور بکە و د ڤێ یەکێ دە وێ ھەموو شیانێن خوە ژ بۆ خزمەت کرنا گەلێ کورد سەرف بکە.
ھەر وھا سەرۆکێ ھکوومەتێ راگھاند کو وان پرۆژە ھەیە ژ بۆ کێم کرنا خەرجییێن ھکوومەتێ و زێدە کرنا داھاتێ ھکوومەتێ و رێگری کرن ژ ھەموو شرکەتان ژ خوە ڤەدزینێ ل دانا باجێ ب ھکوومەتێ.
لسەر پرسا نەفت و گاز و سامانێن خوەزایی راگھاند ئەڤ یەک پر شەفافە و ھەر ولاتییەک دکارە بزانبە داھاتا ھکوومەتێ چەندە.
سەرۆک وەزیر مەسروور بارزانی تایبەت ب پسگرێکا گەندەلیێ دناڤا سازیێن ھکوومەتا ھەرێمێ دە راگھاند ئەمێ ب تو ئاوایەکێ خەمساریێ ل گەندەلیا تو کەس و ئالیەکێ دە نەکین و ئەز ب خوە رژدم لسەر ڤێ کارێ، نھا ژی مە کاریە رەوشەکە وھا ساز بکین کو رێ لبەر بەرفرەھ بوونا گەندەلیێ بگرە.
سەرۆکێ ھکوومەتێ لسەر بابەتا بەرتیلان کو پرسەکە بەربەلاڤە دناڤا وەزیفەدارێن ھکوومەتێ دە راگھاند کو ب جدی کار لسەر ھاتیە کرن و چەندین وەزیفەدار ژبەر وەرگرتنا بەرتیلان نھا ل ژێر لەکۆلینا داد دانە.
تەکەز کر کو ھکوومەتا ھەرێما کوردستانێ ھەرتم ئالیکارێ کەرتێ کشتووکالێ و جۆتکاران بوویە و وێ بەردەوام بە لسەر ئالیکاری کرن و پێش خستنا ڤێ کەرتێ ھەری گرنگ، ھەروەھا راگھاند کو د پلانا ھکوومەتێ دە ھەیە بەرھەمێن دەخل و دانان زێدە بکە و ھەرتم من تەکەز لسەر بەرەف پێش برنا ڤی کەرتێ گرینگ کریە.
لسەر کەرتا کارەبێ کو یەکە ژ خزمەتگوزاریان گشتی، سەرۆک وەزیرێ ھکوومەتا ھەرێما کوردستانێ راگھاند، ولاتی ژ ڤێ کەرتێ دل گرانن، نھا ژ بۆ بەرھەم ئانینا کارەبایێ ئەم کێمتر پشت بەستنێ لسەر گازوایلا بیانی دکین و زێدەتر خازا سرووشتیا ناڤخوە ئەم بکار دینین، ژبەر ڤێ یەکێ نھا نێزی یەک ملیار دۆلاران سالانە ژ تێچۆنێن بەرھەم ئانینا کارەبێ کێم بوویە، تەکەزی لسەر ڤێ یەکێ ژی کر کو کەرتێ کارەبایێ پێتڤی ب پێداچوونەکە دن ھەیە و ئەم لسەر ڤێ یەکێ دخەبتین کو کێمترین رێژەیا کارەبێ ب ھەروە بچە.
لسەر کەرتا پەروەردێ ژی د گۆتارا خوە دە بال کشاند سەر ڤێ یەکێ کو ژ نێزی ئاگەھدارە کو دبستان د رەوشەکە باش دە نینە، من سەردانا چەندین دبستانان کریە و دزانم ئەو د رەوشەکە خرابدانە و پسگرێکێن ھەری زوور ھەنە. ھەژمارەکە زێدەا قوتابییان د یەک پۆل دە دخوینن و دبستان ھەیە د یەک رۆژ دە سێ شیفتێن قوتابییان تێدە دخوینن، لێ بەلێ مە بۆدجەیەکە تایبەت ژ بۆ چارەسەرکرنا ڤێ پسگرێکێ د ناڤا کەرتێ پەروەردێ دە تەرخان کریە.
سەرۆک وەزیرێن ھکوومەتا باشوور دیسان د بەردەوامیا گۆتارا خوە دە راگھاند کو ئەوێ بەردەوام بن د دەستڤە ئانینا ئارمانجێن ھکوومەتا ھەرێمێ دە د بییاڤێ گرینگی دان ب مالباتێن شەھیدان و ئەشکەرە کر، بریارا خەرج کرنا ھەڤکارییان ھاتیە دان ژ بۆ مالباتێن شەھیدێن شەرێ ل دژی داشعێ، ھەروەھا راگھاند کو ئەو وێ ل پشتەڤانی کرنا ھێزێن پێشمەرگە و ئاساییشێ بەردەوام بن.
سەرۆک وەزیران راگھاند ھەرچەند کو د ١٠٠ رۆژێن رابووری دە ژ کار کرنا ھکوومەتا ھەرێما کوردستانێ دەستکەفتێن باش ھەنە، لێ بەلێ ھێژان پر کارێ مە ھەنە، ھێژان سازیێن ھکوومەتا ھەرێمێ ل گۆرەی ھەز و ئارەزۆیێن مە چالاک و بەرھەمدار نینن، ئەو دکارن پر کاراتر و بەرھەمدار تر بن.
سەرۆک وەزیرێن ھەرێما کوردستانێ تەکەز کر کو ھکوومەتا ھەرێما کوردستانێ یا ھەموو ولاتییانە، و ب تەنێ نەیا کەسەکێ یان چەند پارتییەکێن سیاسییە، ژبەر ڤێ یەکێ ئەم ل بەندا پشتەڤانیا ھەموو پارتییێن سیاسییێن ھەرێما کوردستانێ نە ژ بۆ بھێز کرنا ڤێ ھکوومەتێ، ئەم دخوازین د کارێن باش دە ئالیکار بن و شاشییێن مە ژ بۆ مە دەست نیشان بکن.
