سه‌رۆك كۆمارێ ئیراقا فه‌ده‌رال داخوازییه‌ك ژ پارله‌مه‌نا ئیراقێ وه‌رگرت كو ئیمزایێن 120 پارله‌مه‌نته‌ران ل سه‌ره و تێده مه‌رجێن ده‌ست نیشان كرنا سه‌رۆك وه‌زیرێ نوو هاتنه رێز كرن.
120 پارله‌مه‌نته‌رێن ئیراقێ ئیمزا ل سه‌ر یاداشته‌كێ كرنه و ژ بۆ به‌رهه‌م سالهـ سه‌رۆك كۆمارێ ئیراقێ شاندن، تێده مه‌رجێن ده‌ست نیشان كرنا سه‌رۆك وه‌زیرێ نوو ئێ ئیراقێ دیار كرنه.
پارله‌مه‌نته‌ران د یاداشتا خوه ده گۆتییه: «دڤێ سه‌رۆك وه‌زیرێ نوو یێ ئیراقێ نه كه‌سه‌كێ حزبی به، هه‌موه‌خت خوه‌دی 2 ره‌گه‌زنامه نه‌به، ئه‌ڤ مه‌رج ژی دگه‌ل داخوازیێن خوه‌پێشانده‌ران گونجای نه».
ئادل ئه‌بدولمه‌هدی سه‌رۆك وه‌زیرێ ئیراقێ، ل 29 مه‌ها رابووری ل سه‌ر بانگا لێڤه‌گه‌ریا بلند ئا ئیراقێ، ده‌ست ژ كار كیشانا خوه راگهاند و هه‌یا نها ت كه‌سه‌ك ژ بۆ وێ پۆستێ نه‌هاتیه نامزه‌د كرن.
ل گۆر ده‌ما ده‌ستووری، ته‌نێ هه‌فتییه‌ك مایه كه‌سه‌ك ژ بۆ پۆستا سه‌رۆكتیا وه‌زیران وه‌ره ده‌ست نیشان كرن، گه‌ر ئه‌ڤ ده‌مه ژی ب قه‌ده، كوالسیۆنا مه‌زن ل پارله‌مه‌نا ئیراقێ، وێ كه‌سه‌كی ژ بۆ سه‌رۆكتیا هكوومه‌تێ نامزه‌د بكه.
