سه‌رۆك وه‌زیرێ به‌ریتانیایێ ئیرۆ دانپێدان ب مه‌زنترین سه‌رپێچی كر كو وی به‌را نها ئه‌نجامدایه‌ و دبێژه‌: «ئه‌و گه‌له‌ك پووشمانه‌ كو وی ئه‌ڤ كارێ شاش كریه‌».

بۆریس جۆنسۆن، ئیرۆ رۆژا یه‌كشه‌می 8/12/2019ان به‌رسڤا هنه‌ك مه‌دیاكاران دا و به‌هسا مه‌زنترین سه‌رپێچیا یاسایێ كر كو وی د ژیانا خوه‌ ده‌ ئه‌نجام دایه‌ وه‌ختا كو یه‌ك ژ رۆژنامه‌ڤانان ژێ پرسی ئایا مه‌زنترین تاوان یان سه‌رپێچی چ بوو وی كریه‌.

جۆنسۆن د به‌رسڤا وێ پرسێ ده‌ گۆت كو ئه‌و گه‌له‌ك پووشمانه‌ كو وی هنه‌ك جاران پایسكلا خوه‌ ل سه‌ر شوسته‌ی هاژۆتیه‌ و دبێژه‌: «ئه‌ڤ مه‌زنترین شاشی بوو من كری و ئه‌ز گه‌له‌ك پووشمانم ژبه‌ركو شوسته‌ جیێ هاتنوچوونا ولاتیانه‌ و نابه‌ ببه‌ رێیا پایسكلێ».

سه‌رۆك وه‌زیرێ به‌ریتانیایێ هه‌ر وها گۆت: «ئه‌ز ب پایسكلێ هاتنوچوونێ دكم، لێ به‌لێ هنه‌ك جاران من پایسكلا خوه‌ بریه‌ سه‌ر شۆسته‌ی، ژ بۆ ڤێ ژی ئه‌ز پر پووشمانم كو من ئه‌ڤ كار كریه»‌.

ئه‌ڤ دانپێدانا بۆریس جۆنسۆن ب هنه‌ك رۆژان به‌را هلبژارتنا به‌روه‌ختا به‌ریتانیایێ تێ كو بریاره‌ ل 12 ڤێ مه‌هێ بێن ئه‌نجام دایین.

راپرسییان به‌را هلبژارتنێ ئه‌شكه‌ره‌ كرنه‌ كو جۆنسۆن ئێ سه‌رۆكێ پارتیا پارێزگارێن به‌ریتانیایێ، ب 8 هه‌یا 15 خالان ل به‌را پارتیا كاركه‌ران یا ئۆپۆزسیۆن تێ.