گرتن و قەپاتکرنا رێێن سەرەکە ئێن چوونە ناڤا باژێر پاش وێ یەکێ هات کو رۆژا یەکشەمی 8/12/2019ان چەندین چالاکڤانێن مەدەنی و سیاسی ژ ئالیێ کەسێن سەروچاڤ گرتی و نەنیاس ڤە هاتن هەدەف کرن کو د ئەنجامێ دە 2 کەس ژ چالاکڤانێن بەرنیاس ئێن باژارێ کەربەلایێ بریندار كهتن و چالاکڤانەک دن تێ کوشتن.
ئەڤ یەک د دەمەکێ دە یە کو سەرێ سبە یا رۆژا دوشەمی هزاران کەسا ل باژارێ کەربەلایێ د مهراسیما ڤەشارتنا جەسەدا «التائی» ده بەشدار بوون و ژ رایەدارێن ئیراقێ خوەستن کو ئهنجامدهرێن ڤێ کوشتنێ بن چاڤ بکن و سزا بدەن.
لێ بەلێ ل بەخدایێ خوەپێشاندەرێن مەیدانا تەهریر و مەیدانێن دن ئێن بەغدایێ ئارامیەکە بەرچاڤ ههیا دوهـ رۆژا دوشهمی ب خوەڤە دیت، لێ ئیرۆ رۆژا سێشهمی ئەڤ ئارامی و بێدەنگیە ل سەر هەرسێ پرێن «سنک، ئههرار و كۆماری» نهما و خوهپێشاندهران پر كۆنترۆل كرن و مهرتالێن مرۆڤی لێ دهریێن پران ئاڤاكرنه.
هنەک ژ چالاکڤانان تەکەز کر کو هێژان باندۆر و ترسا بەربەلاڤ بوونا پێلێن نوو ئێن تەرۆرا خوەپێشاندەران ژ ئالیێ کەسێن نەنیاس و رەڤاندن و گرتنا چالاکڤانان ل مەیدانا تەهریر زالە، ب تایبەتی کو هەیا نها هکوومەتا ئیراقێ ژ گرتن و دانە ناساندنا ئهنجامدهرێن ڤان کارێن تەرۆریستی سەرکەتن نەئانیە.
