به‌رهه‌م سالهـ بۆ خوه‌پێشانده‌ران: «هوون كێ دخوازن بكن سه‌رۆكوه‌زیر»

به‌رهه‌م سالهـ بۆ خوه‌پێشانده‌ران: «هوون كێ دخوازن بكن سه‌رۆكوه‌زیر»

سه‌رۆك كۆمارێ ئیرافا فه‌ده‌رال، ئیرۆ د سالرۆژا سه‌ركه‌تنا ل سه‌ر رێخستنا ته‌رۆریستی ئا دائیشێ ده‌ په‌یامه‌ك وه‌شاند و تێده‌ به‌هسا رۆژڤا ولات كر و ب خوه‌پێشانده‌ران ره‌ گۆت: «هوون كێ بخوازن بكن سه‌رۆكوه‌زیر».

د. به‌رهه‌م سالهـ سه‌رۆككۆمارێ ئیراقا فه‌ده‌رال، ئیرۆ رۆژا سێشه‌می 10/12/2019ان به‌یانه‌كه‌ نڤیسكی وه‌شاند و تێده‌ سالرۆژا سه‌ركه‌تنا ب یه‌كجاری ئا ل سه‌ر رێخستنا ته‌رۆریستی ئا دائیشێ ب بیرئانی و گۆت: «ئه‌ڤ سه‌ركه‌تن ل ته‌ڤاهیا گه‌لێ ئیراقێ پیرۆز به‌».

به‌رهه‌م سالهـ، ل ده‌ربارا رۆژه‌ڤا ئیراقێ و پرسگرێكا ده‌ست نیشان كرنا سه‌رۆكوه‌زیرێ نوو داخوازا هه‌ماهه‌نگیێ ژ ئالیێن سیاسی و خوه‌پێشانده‌ران كر و ب خوه‌پێشانده‌ران ره‌ گۆت: «هوون ب كێ رازینه‌ بكن سه‌رۆك وه‌زیر».

سه‌رۆككۆماری هه‌ر وها ژ خوه‌پێشانده‌ران خوه‌ست كو رێ نه‌دن كه‌سێن نه‌ناسیار و تێكده‌ر ته‌ڤلی خوه‌پێشاندانان ببن و ئه‌ڤ سه‌ركه‌تنێن وان نه‌جوان بكن، ته‌كه‌ز ژی كر كو دڤێ خوه‌پێشانده‌ر ئالیكار بن ژ بۆ ده‌ست نیشان كرنا سه‌رۆك وه‌زیرێ نوو ئێ ئیراقێ ژ بۆ كو هكوومه‌ته‌كه‌ نوو وه‌ره‌ ئاڤا كرن كو ده‌ستوور نه‌خشه‌رێیا وێ هكوومه‌تێ به‌.

ئادل ئه‌بدولمه‌هدی ل 28/11/2019ان ل سه‌ر بانگا لێڤه‌گه‌ریا بلند ئا ئیراقێ و خوه‌پێشانده‌ران ده‌ست ژ كار كشاند و د نامه‌یا ده‌ست به‌ردانا خوه‌ ده‌ ته‌سبیست كربوو كو وی كارینا به‌رده‌وامبوونێ ل گه‌ل گه‌نده‌ل و دزێن سامانێ ولات نینه‌.

خوه‌پێشاندانێن ئیراقێ ل 25/10/2019ان ل دژی هه‌ژاری، بێكاری و گه‌نده‌لیێ ده‌ست پێ كربوون، لێ به‌لێ هه‌ر د زوو ده‌ ئالۆزی و په‌ڤچوون كه‌تن تێده‌ و ئێدی داخوازا خوه‌پێشانده‌ران ژ بۆ هلوه‌شانا هكوومه‌تێ هات گوهه‌راندن.