ده‌میرتاش ل نه‌خوه‌شخانێ یه‌

ده‌میرتاش ل نه‌خوه‌شخانێ یه‌

هه‌ڤسه‌رۆكێ به‌رێ ئێ پارتیا ده‌مۆكراتیا گه‌لان هه‌ده‌پێ، سه‌لاهه‌تین ده‌میرتاش ئیرۆ پشتی نه‌خوه‌ش كه‌تی، ژ بۆ نه‌خوه‌شانێ هات ڤه‌گوهاستن.

ھەڤسەرۆکێ بەرێ یێ هه‌ده‌پێ سەلاھه‌تین دەمیرتاش د زیندانێ دە نەخوەش کەت و ژ بۆ ده‌رمان كرنێ ژ بۆ نەخوەشخانەیێ ھات راکرن.

سەلاھه‌تین دەمیرتاش ب ھنجەتا ئێشا سینگ و تەنگبوونا ھەناسەیێ د بن پاراستنه‌كه‌ بەرفرەھـ ئا ئەولەکاریێ دە، ژ بۆ نەخوەشخانەیا فاکولتیا نۆشداری ئا زانینگەھا ترکیێ ھات راکرن.

د دەربارێ مژارێ دە، پارتیا ده‌مۆكراتیا گه‌لان ژی داخوه‌یانیەک وه‌شاند و دا زانین کو دەرمان کرنا دەمیرتاشی بەردەوامە و د ڤێ چارچووڤەیێ دە بۆ نەخوەشخانەیێ ھاتیە راکرن، رەوشا سەخلەمیا وی باشە و نووچەیێن د دەربارێ سەخلەمیا وی دە بەلاڤ دبن، بێ بنگەھن و ژ راستیێ دوورن.

ھەڤسەرۆکێ بەرێ یێ هه‌ده‌پێ سه‌لاهه‌تین دەمیرتاش کو زێدەتری 3 سالانە ب سووچا ئەندامتیا پارتیا كاركه‌رێن كوردستانێ د زیندانێ ده‌یه‌، ئه‌ڤ بۆ جارا دویه‌مینه‌ د وه‌ختا هه‌فتیه‌كێ ده‌ نه‌خوه‌ش دكه‌ڤه‌.