ئه‌سه‌د: «پێویسته‌ ئارته‌شا ئه‌ردۆگان ژ سووریێ ده‌ربكه‌ڤه‌»

ئه‌سه‌د: «پێویسته‌ ئارته‌شا ئه‌ردۆگان ژ سووریێ ده‌ربكه‌ڤه‌»

سه‌رۆك ره‌ژیما سووریێ رادگهینه‌ كو دڤێ ئارته‌شا تركیێ ولاتێ وی ب جی بهێله‌ و هه‌بوونا تركیێ د سووریێ ده‌ ب ترسه‌كه‌ هه‌ر زێده‌ ناڤ كر.

به‌شار ئه‌سه‌د سه‌رۆكێ ره‌ژیما سووریێ د هه‌ڤدیتنه‌كه‌ تێله‌فزیوونی ده‌ ل گه‌ل كه‌نالا Rai News 24»» ئا ئیتالی به‌هسا رۆژه‌ڤا سووریێ كر و گۆت: «ب سه‌ده‌ما داگیركاریا تركیێ، هه‌ژماره‌كه‌ ناڤچه‌یێن سووریێ كه‌تیه‌ د خه‌ته‌رێ ده‌ و دڤێ ئارته‌شا تركیێ سووریێ ب جی بهێله»‌.

ئه‌سه‌د به‌هسا سه‌روه‌ریا سووریێ و یه‌كپارچه‌یا خاكا ولات كر و ده‌ست نیشان كر كو ترکیە ل ئدلبێ پشتگریا به‌ره‌یا ئەل نوسره‌ دکە، ھەر وھا ل باکورێ سووریێ خاکا سووریێ داگیر کریە.

هه‌موه‌خت گۆت: «ژ ئالیێ سیاسی ڤە، رەوشا سووریێ تەڤلیھەڤتر دبە، ژ بەر کو وەلاتێن، کو دەستوەردانێ د ناڤ سووریێ دە دکن زێدە دبن، کریز بەرفەرەھتر دبە».

ل ده‌ربارا تێكلیێن رووسیا فه‌ده‌رال ب تركیێ ره‌، سه‌رۆكێ سووریێ دبێژه‌: «رووسیا فه‌ده‌رال پشتگریا ترکیێ ناکە، ئەڤ راستیەکە و نایێ ڤه‌شارتن».

ئه‌ڤ داخوه‌یانیا به‌شار ئه‌سه‌دێ سه‌رۆكێ سووریێ ئا ئیرۆ، هه‌موه‌ختا داخوه‌یانیا ره‌جه‌ب ته‌یب ئه‌ردۆگان سه‌رۆك كۆمارێ تركیێ تێ كو ل هه‌فتیا رابووری د جڤینا ئه‌نجوونا سه‌ركرداتیا پارتیا خوه ئا داد و گه‌شه‌پێدانێ‌ ده‌ گۆتبوو: «ئه‌و نه‌چوونه‌ د سووریێ ده‌ كو ژێ ده‌ربكه‌ڤن، هه‌ر وها ته‌سبیت كر كو ته‌نێ ئه‌وێ ب گۆتنا گه‌لێ سووریێ ده‌ربكه‌ڤن».