ئه‌ردۆگان: «ئه‌مێ وێ ده‌رێ پاقژ بكن پشتره‌ ئه‌مێ بچن»

ئه‌ردۆگان: «ئه‌مێ وێ ده‌رێ پاقژ بكن پشتره‌ ئه‌مێ بچن»

سه‌رۆك كۆمارێ تركیێ ئیرۆ د مژارا سووریێ ده‌ داخوه‌یانی دا و گۆت: «ئەم چ چاخێ وان دەران ژ تەرۆریستان پاقژ بکن ئەمێ دەربکەڤن».

ره‌جه‌ب ته‌یب ئه‌ردۆگان ئیرۆ رۆژا سێشه‌می 10/12/2019ان به‌شداری مه‌راسیمه‌كێ بوو كو ب هه‌لكه‌فتا رۆژا جیهانی ئا مافێن مرۆڤان ده‌ هاتبوو ل دارخستن و تێده‌ گۆتاره‌ك پێشكێش كر.

ئه‌ردۆگان ل ده‌ربارا سووریێ گۆت: «ژ مە دپرسن کو ھوونێ چ چاخێ ژ سووریێ دەربکەڤن؟ چ چاخێ ھوون دەرکەڤن؟ ئه‌م ب وان ره‌ دبێژن كو ئەم چ چاخێ وان دەران ژ تەرۆریستان پاقژ بکن ئەمێ دەرکەڤن».

ئه‌ردۆگان هه‌ر وها وه‌كه‌ ئاماژه‌ بۆ له‌شكرێن رووسیا فه‌ده‌رال و ئه‌مه‌ریكایێ گۆت: «كه‌نگی هوونێ ده‌ربكه‌ڤن، وێ چاخێ تركیه‌ ژی وێ ژ سووریێ ده‌ربكه‌ڤه»‌.

ئه‌ڤ داخوه‌یانیا ئه‌ردۆگان یا دوویه‌مینه‌ د وه‌ختا هه‌فتییه‌كێ ده‌ كو دبێژه‌ ئه‌وێ ت جاره‌كێ ژ سووریێ ده‌رنه‌كه‌ڤن، ئیرۆ ژی وه‌كه‌ ئاماژه‌ ژ بۆ هێزێن سووریایا ده‌مۆكراتیك هه‌سه‌دێ و یه‌كینه‌یێن پاراستنا گه‌ل یه‌په‌گێ كو تركیه‌ وان ب بالێن په‌كه‌كێ ناس دكه‌، ئه‌ردۆگان ئه‌و ب ته‌رۆر ناڤ كرن و گۆت: «چ چاخێ مه‌ ئه‌و ده‌ر ژ ته‌رۆرێ پاقژ كرن، وێ چاخێ ئه‌مێ ژ سووریێ ده‌ربكه‌ڤن».