چاویشئۆغلو: «ئه‌مێ ئه‌مه‌ریكیان ژ ئه‌نجرلیكێ ده‌ربخن»

چاویشئۆغلو: «ئه‌مێ ئه‌مه‌ریكیان ژ ئه‌نجرلیكێ ده‌ربخن»

وه‌زیرێ كارێن ده‌رڤه‌ ئێ تركیێ ئیرۆ ئه‌شكه‌ره‌ كر، هه‌گه‌ر كۆنگرێسا ئه‌مه‌ریكایێ جه‌زایان ل سه‌ر تركیێ ب سه‌پینه‌، وێ چاخێ مه‌له‌فا بنگه‌ها ئه‌نجرلیكێ وێ ده‌ركه‌ڤه‌ هۆلێ.

مه‌ولوود چاویشئۆغلو ئیرۆ رۆژا چارشه‌می 11/12/2019ان ل ده‌ربارا جه‌زایێن ل سه‌ر تركیێ كو د رۆژه‌ڤا كۆنگرێسا ئه‌مه‌ریكایێ ده‌نه‌، داخوه‌یانی دا و وها ئاخڤی: «هه‌گه‌ر ئه‌مه‌ریكایێ ل دژی تركیێ بریارا جه‌زایان ده‌رخست، وێ چاخێ وێ مه‌له‌فا بنگه‌هێن ئاسیمانی ئێن ئه‌نجرلیك و كوره‌جیك ده‌ركه‌ڤن هۆلێ».

ئه‌ڤ داخوه‌یانیا چاویشئۆغلو وه‌كه‌ ئاماژه‌ ژ بۆ ده‌رخستنا ئارته‌ش و باله‌فرێن ئه‌مریكایێ ژ بنگه‌هێن ئاسیمانی ئێن ئه‌نجرلیك و كوره‌جیكێ تێن.

كۆنگرێسا ئه‌مه‌ریكایێ ده‌مه‌كه‌ نیقاشا سه‌پاندنا جه‌زایێن نوو ل سه‌ر تركیێ ب سه‌ده‌ما سیسته‌ما پاراستنا ئاسیمانی ئا ب ناڤێ S-400ێ دكه‌.

تركیێ هه‌ر چه‌ند كو به‌روه‌خت گه‌ف ژ ئه‌مه‌ریكایێ خوار بوون، لێ به‌لێ سیسته‌ما پاراستنا ئاسیمانی ئا S-400 ێ ژ رووسیا فه‌ده‌رال كریه‌، كۆنگرێسا ئه‌مه‌ریكایێ ژی نها نیقاشا سه‌پاندنا جه‌زایان ل سه‌ر تركیێ دكه‌.

ل هه‌فتییا رابووری دو كۆنگرێسمه‌نێن كۆماری و ده‌مۆكرات ژ ئیداره‌یا دۆنالد ترامپ خوه‌ست بوون، جه‌زا ل سه‌ر تركیێ بێن سه‌پاندن.