یەکیتیا شۆپاندنا بنپێکرنا مافێن مرۆڤان ئا یه‌مەنێ دیار کر کو ژ بەر شەرێ ٥ سالی ل وەلات دەوام دکە 15 ھەزار و 420 سڤیل ھاتن کوشتن، هه‌ری كێم 23 ھەزار سڤیل ژی بریندار بوون.

ل مالپەرا یەکیتیێ ژ بۆ “10ێ بەرفرانبارێ رۆژا مافێ مرۆڤان ئا دنیایێ” راپۆر ھات وەشاندن. د راپۆرێ دا ھات دەستنیشانکرن کو ل یه‌مه‌نێ ژ دەربەیا ھووسیان ڤر دا 5 سالە شەر دەوام دکە، د ئەنجاما ڤێ دا ژ بۆ وەلاتیان رەوشا تراژیک دەرکەت ھۆلێ.

د راپۆرێ دا ھات دەستنیشانکرن کو ل سه‌نعا ئا پایتەخت و ھن ھەرێمێن ھووسی کۆنترۆل دکن ژ ئیلۆنا 2014ان هه‌یا جۆتمەھا 2019ان 15 ھەزار و 420 سڤیل ھاتن کوشتن، 22 ھەزار و 916 سڤیل ژی بریندار بوون.

دیسا د راپۆرێ دا ھات گۆتن کو ل وه‌لات 4 ھەزار و 272 سڤیل ھاتن رەڤاندن، 6 ھەزار و 352 زارۆک ژی چەکدار کرن.

د راپۆرێ دا ھات دیارکرن کو ل گەلەک باژاران ژ بەر مایینێن ھووسیان ب جی کرنە 1300 سڤیل مرن، بانگی جڤاکا ناڤنەتەوەیی کرن کو برا بلەز تەڤبگەرن.