ترامپ ھشیاری دا رووسیایێ کو مایتێكرنا ھلبژارتنێ نەکە

ترامپ ھشیاری دا رووسیایێ کو مایتێكرنا ھلبژارتنێ نەکە

سەرۆکێ ئه‌مه‌ریكایێ دۆنالد ترامپ ل واشنگتۆنێ ب وەزیرێ کارێن دەرڤه‌ یێ رووسیایێ سەرگەی لاڤرۆڤ را ھەڤدیتن کر و ھات راگھاندن کو ترامپ ژ بۆ ھلبژارتنا کو وێ ل 2020ێ دا ل ئه‌مه‌ریكایێ وەرە کرن، ھشیاری دا لاڤرۆڤ دا کو رووسیا مایتێكرنێ ھلبژارتنێ نەکە.

ل گۆر داخویانیا نڤیسکی یا ئۆفیسا چاپەمەنیێ یا قەسرا سپی، ترامپ و لاڤرۆڤ ل قەسرا سپی جڤیان.

د داخویانیێ دا ھات دەستنیشانکرن کو وەزیرێ کارێن دەرڤه‌ یێ ئه‌مه‌ریكایێ مایك پۆمپێیۆ و لاڤرۆڤ دەر ھەقێ رەوشا داوین یا تێکلیێن ئه‌مه‌ریكا و رووسیایێ دا ترامپ ئاگاھدار کر و وھا ھات گۆتن: “ترامپ ژ بۆ ھلبژارتنا کو وێ ل ئه‌مه‌ریكایێ وەرە کرن، ھشیاری دا لاڤرۆڤ دا کو رووسیا مایتێكرنێ ھلبژارتنێ نەکە و ژ بۆ چارەسەرکرنا پەڤچوونا ب ئوکراینایێ را رووسیا دەوەت کر”.

د داخویانیێ دا وھا ھات گۆتن: “ترامپ ژ بۆ پێشی ل بەر ئیرانێ وەرە گرتن کو چێکرنا چەکا کیمیەوی چێنەکە و ژ بۆ کو کۆریا باکور ژ چەکێن نوکلەرێ وەرن سافیکرن، ژ رووسیایێ پشتگری خوەست”.

د ھەڤدیتنێ دا ل سەر تێکلیێن ب چینێ و گرینگیا پەیمانا بازرگانیێ یا کو وێ ب ڤی وەلاتی را وەرە چێکرن ژی سەکنین.