ویلایه‌تێن یه‌كبوویی یێن ئه‌مه‌ریكایێ، ئیرۆ ئه‌شكه‌ره‌ كر وان نێزی 14 هه‌زار سه‌ربازێن دن شاندنه‌ ولاتێن رۆژهلاتا ناڤین.

مارك ئێسپه‌ر، وه‌زیرێ به‌ره‌ڤانیێ یێ ئه‌مه‌ریكایێ راگهاند، ولاتێ وی ژ مەھا گولانێ ڤە و ب ئامانجا نیشاندانا پابەندبوونا ب ھەڤپەیمان و ھەڤبەشێن وی وەلاتی ڤە، 14 ھەزار سه‌رباز ڤەگوھاستنە رۆژھلاتا ناڤین.

هه‌ر وها گۆت کو ئەڤ چەند مەھە، ئێرش و کریارێن ئیرانێ ل ناڤچەیێ زێدە بوونە و وەکە نموونە ژی «ئێرشا ل سەر ھەژمارەکە ئامانجان ل ناڤ سعوودیێ، چەکخستنا تەڤگەرا دەریایی ل ھورمزێ، خستنا فرۆکەیەکە بێ پیلۆتا ئه‌مەریکایێ، ئالیکاریا گرۆپێن وەکە ھووسی، ھزبووللا و گرۆپێن میلیشەیێن شیعە ل ئیراقێ».

وه‌زیرێ به‌ره‌ڤانیێ یێ ئه‌مه‌ریكایێ دبێژه‌: «ژ بۆ نیشاندانا پابەندبوونا ل گەل ھەڤپەیمان و ھەڤبەشێن ئه‌مەریکایێ، وەلاتێ وی ژ مەھا گولانا ئیسال هه‌یا نھا 14 ھەزار سەرباز ڤەگوھاستنە رۆژھلاتا ناڤین».

سه‌ربازێن ئه‌مه‌ریكایێ ب ڤی ئاوایی ل ولاتێن رۆژهلاتا ناڤین دابه‌شكرینه‌:

13 ھەزار ل کوێتێ

13 ھەزار ل قەتەرێ

7 ھەزار ل بەھرەین

5200 ل ئیراقێ

5 ھەزار ل ئیماراتێ

2800 ل ئوردنێ هه‌نه‌