مه‌زنترین هاریكاریا سه‌ربازی گه‌هشت هه‌سه‌دێ

هه‌ڤپه‌یمانییا ناڤده‌وله‌تی هاریكارییا سه‌ربازی ره‌وانه‌ی رۆژئاڤا كر

هه‌ڤپه‌یمانییا ناڤده‌وله‌تی یا ل دژی داعشێ، كاروانه‌كێ دی یێ هاریكاریێن سه‌ربازی ره‌وانه‌ی رۆژئاڤایێ كوردستانێ كر ژ بۆ كو بگه‌ن ده‌ست هێزێن سووریایا ده‌مۆكراتیك.

ئاژانسا سانا یا فەرمی یا ھکوومەتا سووریایێ بەلاڤ کرییە، کاروانەکێ هاریكاریێن سەربازی و لۆجستی، ھەر وھا ب دەھان ئۆتۆمبێلێن سەربازی و هه‌ژماره‌كه‌ ئامبۆلانسان ژ ئالیێ هه‌ڤپه‌یمانییا ناڤده‌وله‌تی ڤە، ژ بۆ ناڤچەیێن ژێر دەستھەلاتا هێزێن سووریایا ده‌مۆكراتیك هه‌سه‌دێ هاتن هنارتن.

هه‌ر وها ده‌ست نیشان كر، ئه‌و كاروانێ ئۆتۆمبێلێن هه‌ڤپه‌یمانییا ناڤده‌وله‌تی ل سینۆرێ باژارێ ھەسەکێ گهان ده‌ست هێزێن هه‌سه‌دێ.

ل گۆر ئاژانسا سانایێ، ئەو هاریكاری ل ناڤچەیێن ژێر دەستھەلات هه‌سه‌دێ هاتن بەلاڤ کرن و دایه‌ زانین كو ئه‌ڤه‌ مه‌زنترین كاروانێ هاریكارییانه‌ ل ڤێ داویێ هاتبیته‌ هنارتن.