ل سووریێ باله‌فرێن شەر یێن رژێما بەشار ئەسەد ل ھەرێما کێمکرنا ئالۆزییان ل ئدلبێ ئێریشی گوندان کرن، زارۆکەک ھات کوشتن و 7 سڤیل ژی بریندار بوون.
باله‌فرێن شەر یێن رژێما ئەسەد، سەرێ سبێ یا ئیرۆ ئێریشی گوندێن مارشۆرین، توھ و کەببنەیێ یێن د ناڤ سینۆرێ ھەرێما کێمکرنا ئالۆزییان ل ئدلبێ کرن.
ل گۆر ئاگاهیێن سازییا پاراستنا سڤیلان یا ئدلبێ (کەسێن كولاڤ سپی) باله‌فران ل گوندێ مارشۆرینێ ئێریشی فرنەکی کرن، فرن تەڤاھی ھلوەشیا.
ل ھەمان گوندی د ئێریشەکە دن دا ژی زارۆکەک ھات کوشتن و 7 سڤیل ژی بریندار بوون.
رژێما بەشار ئەسەد ب هاریكارییا پشتگرێ خوە رووسیایا فه‌ده‌رال ل 7ێ چلەیا پێشین، ئێریشی بازارێن ل ھەرێما کێمکرنا ئالۆزییان ل ئدلبێ کربوو. د ڤان ئێریشان دا 19 سڤیل ھاتبوون کوشتن.
د ناڤبەرا ترکیێ و رووسیایێ دا ل 17ێ ئیلۆنا 2018ان پەیمانەک ھاتبوو ئیمزا کرن. ژ وی دەمی رژێم و رووسیا ئێریشێن خوە د دۆمینن. د ئێریشان دا ھەتا نھا ژ ھەزار و 300ان زێدەتر سڤیل ھاتن کوشتن.
ل جھێن کو ئێریش لێ زێدە نە د سالەکێ دا پتر ژ ملیۆنەکێ سڤیل كۆچبه‌ری خەتا سینۆرێ ناڤبه‌را سووریێ و تركیێ بوونه.
