سه‌رۆكێ ره‌ژیما سووریێ ئیرۆ راگهاند؛ توركیا دگه‌ل رێخستنێن ته‌رۆریستی یێن داعش و به‌ره‌یا نوسره په‌ترۆلا سووریێ فرۆشتیه.
به‌شار ئه‌سه‌د سه‌رۆكێ سووریێ د داخویانیه‌كێ ده ژ بۆ ئاژانسا فێنێكس یا چینی دبێژه: «ده‌وله‌تا تركیێ ل ده‌ستپێكێ دگه‌ل رێخستنا به‌ره‌یا نوسره یا ته‌رۆریستی كار دكر و په‌ترۆلا سووریێ فرۆتن، پشتره ئه‌ڤ بازرگانی دگه‌ل رێخستنا ته‌رۆریتسیا دائیشێ دۆماند».
ل ده‌ربارا ئه‌مه‌ریكایێ ژی، سه‌رۆكێ سووریێ بۆ ئاژانسا چینی گۆتییه: «ئەمەریکا ب رێیا شركه‌تێن تایبەت کار دکە، وەک شركه‌تێن بلاک وۆتەر ل ئیراق و ھەڤشێوەیێن وێ، راستە ئەمەریکایێ چەند سەد سەرباز ھەنە، لێ ب رێیا وان شركه‌تان ب ھەزاران کەس ھەیە.«
ئه‌سه‌د ئه‌ڤ داخویانی دایه پشتی كو ل هه‌فتییا رابووری د هه‌ڤدیتنه‌كا كه‌ناله‌كێ ئیتالی ده، گۆت كو «پێویسته ئارته‌شا تركیێ ژ خاكا سووریێ ده‌ربكه‌ڤه» و د به‌رسڤێ ده، ره‌جه‌ب ته‌یب ئه‌ردۆگان سه‌رۆك كۆمارێ تركیێ گۆتبوو: «ئه‌و ته‌نێ وێ ب گۆتنا گه‌لێ سووریێ ده‌ربكه‌ڤن، ئه‌گه‌ر نا هه‌ر وه‌ختا وان ئه‌و ده‌ر ژ ته‌رۆرێ پاقژ كر، وێ چاخێ ئه‌وێ سووریێ ب جی بهێلن».
