ئه‌ردۆگان: «ئه‌مه‌ریكا و رووسیا یه‌په‌گه‌ ده‌رنه‌ئێخستن»

ئه‌ردۆگان: «ئه‌مه‌ریكا و رووسیا یه‌په‌گه‌ ده‌رنه‌ئێخستن»

سه‌رۆك كۆمارێ تركیێ ئه‌ڤرۆ راگه‌هاند؛ ویلایه‌تێن یه‌كبوویی یێن ئه‌مه‌ریكایێ و رووسیا فه‌ده‌رال سۆزا خوه‌ شكاندنه‌ و وان یه‌كینه‌یێن پاراستنا گه‌ل یه‌په‌گێ ژ رۆژهلاتا فراتێ ده‌رنه‌ئێخستن.

ره‌جه‌ب ته‌یب ئه‌ردۆگان ئه‌ڤرۆ رۆژا دوشه‌مبی 16/12/2019ێ داخوه‌یانی ل ده‌ربارا رۆژهلاتا فراتی و هێزێن كوردی دا و گۆت: «ئه‌مه‌ریكا و رووسیا فه‌ده‌رال سۆزێن خوه‌ ب جهـ نه‌ ئینان و ئه‌و د دەرخستنا یەکینەیێن پاراستنا گەل یه‌په‌گێ ژ باکوورا رۆژھەلاتا سووریێ سه‌ركه‌فتی نه‌بوون».

هه‌ر وها ده‌ست نیشان كر، ولاتێ وی دێ ل سه‌ر ژناڤبرن و روو ب روو بوونا ته‌رۆرێ به‌رده‌وام بت.

ئه‌ردۆگا دبێژه‌: ھێژ یه‌په‌گه‌ ل منبجێ مانە و ب گۆتنا وی، ھۆزێن سووریێ داخواز ژ ترکیێ کرنە هاریكاریا وان بکەن ژ بۆ نەھێلانا دەستھەلاتا ھێزێن سووریایا دەمۆکراتیك هه‌سه‌دێ.

ئەردۆگان ئه‌شکەره‌ کر، وی پێشنییاز بۆ ئەمەریکایێ کربوو، کو پلانا ئاڤاکرنا ناڤچه‌یا ئارام ل سووریێ ب پشتبه‌ستن ل سه‌ر داهاتا په‌ترۆلا سووریێ بیت، لێ سه‌رۆكێ ئه‌مه‌ریكایێ دۆنالد ترامپ ئه‌ڤ پلان قه‌بوول نه‌كر، به‌را وی باراك ئۆباما ژی ئه‌و پلان ره‌د كربوو.