ل ئیراقێ ژ بۆ کو سەرۆک کۆمار بەرھەم سالح ژ پۆستا سه‌رۆكتیا كۆمارێ بێ لادان ئیمزایێن 150 پارلمەنتەران ھاتن كۆم کرن.
كۆما سادقوون ل پارلمه‌نا ئیراقێ كو د ناڤ کۆالسیۆنا فەتح یا شیعه دا یه، ژ دادگەھا بنگەھین را نڤیس شاند و راگھاند کو د. به‌رهه‌م سالح ژ بۆ دامەزراندنا حکوومەتا نوو پێویست بوو د 15 رۆژان دا كاندیدێ کۆالیسیۆنا ھەری مەزن یا ل پارلمه‌نێ ده‌ست نیشان بكه‌ت و ل گۆر دەستوورا بنگەھین.
د نڤیسینا كۆما سادقوون دا کو ب ئیمزا یا 150 پارلمه‌نته‌ران ھاتییه پێشکێش کرن، ھات خوەستن کو بلا سەرۆک کۆمار بەرھەم سالح ژ پۆستا سه‌رۆك كۆماریێ بێ دوورخستن.
ل گۆر دەستوورا بنگەھین یا ئیراقێ سەرۆک کۆمار ژ بۆ دامەزراندنا ھکوومەتێ پێویسته د ناڤ 15 رۆژان دا نامزەدەکی ئه‌ركدار بكه‌ت، لێ نامزەدێ ھاتبوو پێشنیاز کرن نەھات ئه‌ركدار کرن و 3 رۆژ ل سه‌ر ده‌ما ده‌ستووری ره ده‌رباس بووینه.
