ئێریشا داگیركه‌ران ل گه‌له‌ك ده‌ڤه‌رێن رۆژئاڤا كوردستانێ به‌رده‌وامه‌

ئێریشا داگیركه‌ران ل گه‌له‌ك ده‌ڤه‌رێن رۆژئاڤا كوردستانێ به‌رده‌وامه‌

هێزێن سووریایا ده‌مۆكراتیك ئه‌شكه‌ره‌ كر، ئێریشا ئارته‌شا داگیركاریا ترك ل هه‌ژماره‌كه‌ هه‌رێمێن رۆژئاڤا كوردستانێ د دۆمه‌، ب تایبه‌ت ل گونده‌وارێن سه‌رێ كانیێ، عه‌ین عیسا و تل ته‌مر وكۆبانێ.

ناڤه‌ندا راگهاندن و چاپه‌مه‌نیێ یا هێزێن سووریایا ده‌مۆكراتیك د به‌یانه‌كه‌ نڤیسكی ده‌ ئه‌شكه‌ره‌ كر، ئێریشا داگیركه‌رێن ترك و كۆمێن چه‌ته‌یێن گرێدای وێ، ل سه‌ر هه‌ژماره‌كا هه‌رێمێن رۆژئاڤا كوردستانێ به‌رده‌وامه‌، ب تایبه‌ت ل گوندێن سەرێ کانیێ، عەین عیسا، تل تەمر و کۆبانێ.

هه‌سه‌دێ ئەنجامێن ئێریشێن ئارته‌شا ترکیێ و دۆڤه‌لانكێن وێ ل دژی باکور و رۆژھلاتێ سووریێ ئەشکەرە کر و گۆت: داگیركه‌ران ل گەلەک ھەرێمان تەڤگەرا خوە دەوام دکن و ئێرشی گەلەک گوندێن ل خەتا سەرێکانیێ، تل تەمر، عەین عیسا و کۆبانێ کرن.

دا زانین كو ل تل ته‌مرێ ئارته‌شا داگیرکەر ب چەکێن گران و ب پشتەڤانیا باله‌فرێن بێ پیلۆت ئێرشی قادێن سیڤیلێن ل گوندێن ئەریشا و سالحیێ کر.

د ئەنجاما وێ دە زیانێن ماددی گھیشتن گەلەک زەڤی و مالێن وەلاتیێن سڤیل، ھەر وھا کۆمێن چەتەیان ب چەکێن گران ئێریشی دەردۆرا گوندێ تل محه‌مه‌د کر.

د به‌یانا هه‌سه‌دێ ده‌ هاتیه‌: کۆمێن چەتەیێن گرێدایی ئارته‌شا داگیرکەر ب چەکێن گران و گوللـه‌ تۆپان ئێرشی ھەرێمێن سیڤیلێن ل دەردۆرا گوندێ باب ئەل فەرەج کر.

هه‌موه‌خت ب چەکێن گران ھەرێمێن سیڤیلێن ل دەردۆرا گوندێ تینا ب دژواری تۆپباران کر، د ئەنجاما وێ دە، زیانێن مادی گھیشتن زەڤی و مال و ملکێن وەلاتیێن سیڤیل.