پێنتاگۆن: ئه‌ردۆگان نكاره‌ ئه‌نجرلیكێ ل مه‌ قه‌ده‌غه‌ بكه‌

پێنتاگۆن: ئه‌ردۆگان نكاره‌ ئه‌نجرلیكێ ل مه‌ قه‌ده‌غه‌ بكه‌

وه‌زاره‌تا به‌ره‌ڤانیێ یا ئه‌مه‌ریكایێ ل ده‌ربارا بنگه‌ها ئاسیمانی یا ئه‌نجرلیكێ داخو‌یانی دا و سه‌رۆكێ تركیێ تێده‌ دره‌واندی یه‌.

وه‌زاره‌تا به‌ره‌ڤانیێ یا ئه‌مه‌ریكایێ سەرۆک کۆمارێ ترکیێ، رەجەب ته‌یب ئەردۆگان، ل دەر ھەقێ گەفێن وی یێن گرتنا بارەگەھا ئه‌نجرلیكێ یا ئاسیمانی ب روویێ هێزێن ئه‌مه‌ریكایێ ده‌، درەواند و راگھاند کو وان چه‌ندین پەیمان ب شرکەتێن دەولەتا ترک رە ل سەر پێکئانینا خەباتێن ئاڤاکرنێ ل بارەگەھا ئه‌نجرلیكێ ئیمزە كرنه‌.

پێنتاگۆنێ ئیرۆ ل سەر مالپەرا خوە داخویاند کو ب نرخێ 95 ملیۆن دۆلاران ب 8 شرکەتێن ترکیێ رە، پەیمان ھاتییه‌ ئیمزە کرن.

ل گۆر پێنتاگۆنێ، تێ تەخمینکرن کو دێ خەبات بەریا داوییا سالا 2024ان ب داوی ببە.

ئامەریکا بارەگەھا ئه‌نجرلیكێ یا ئاسیمانی ل باژارێ ئەدەنە ل باشوورێ ترکیێ ب کار تینە، وه‌كه‌ به‌شه‌ك ژ هه‌ڤكار و هه‌ماهه‌نگیا هه‌ڤپه‌یمانییا ناتۆیێ ده‌.

د دەمەکێ بەرێ دە، سەرۆک کۆمارێ ترکیێ رەجەب ته‌یب ئەردۆگان، گەف ل گرتنا بارەگەھا ئه‌نجرلیكێ ب روویێ ئه‌مه‌ریكایێ ده‌ كر وه‌كه‌ به‌رسڤه‌كێ ژ بۆ جەزایێن ئه‌مه‌ریكایێ ل سه‌ر ولاتێ وی.

تێکلیێن ئه‌مەریکا و ترکیێ پشتی کرینا ئەنقەرەیێ یێ بۆ سیسته‌ما پاراستنا ئاسیمانی یا ب ناڤێ S-400 ژ رووسیا فه‌ده‌رال و ئێرشێن ترکیێ یێن ل سەر باکور و رۆژھلاتێ سووریێ ته‌ڤلیهه‌ڤ بوونه‌.

پوستێن ھەمان بەش