دائش ل یراقێ ئێریشان پێک دینە: ٥ کوشتی، ١٠ بریندار

دائش ل یراقێ ئێریشان پێک دینە: ٥ کوشتی، ١٠ بریندار

ل کەرکووک، مووسل و سەلاھەددین یێن باژارێن یراقێ د ئێریشێن دائشێ رێخستنا تەرۆرێ دا ٥ ھێزێن ئەولەھیێ ھاتن کوشتن، ١٠ ژی بریندار بوون.

شاخا مەدیایی یا ئەولەھیێ یا گرێدایی وەزارەتا پاراستنا یراقێ داخویانی دا ل گوندێ ئەس سالاھیەیا ل سەر باژارێ سەلاھەددینێ دەما ئەسکەر دەرباس دبوون، بۆمبەیا ل سەر رێ ھاتبوو بجھکرن ھات تەقاندن.

ھات گۆتن ژ بەر ئێریشێ ٢ ئەسکەر ھاتن کوشتن، ٣ ئەسکەر ژی بریندار بوون.

سەرئەفسەر “فەیسەل ئەل جوبوری” کو ل مووسلێ وەزیفەدارە داخویانی دا مەدیایان و راگھاند ل گووەرا باژارۆکا مەخموورێ دەما ھێزێن ھەشدا شەبی دەوریە دگەریان ئێریش ل وەساییتا وان ھات کرن.

جوبوری گۆت بۆمبەیا ل سەر رێ ھاتبوو بجھکرن ھات تەقاندن، ٢ ئەندامێن ھەشدا شەبیێ ھاتن کوشتن و ٥ ژی بریندار بوون.

سەرئەفسەر “ھەمید ئەل ئوبەیدی” ل ئەولەکاریا کەرکووکێ وەزیفەدارە ژی بەھسا دو ئێریشێن دائشا رێخستنا تەرۆرێ کر.

ئوبەیدی گۆت دائشێ ئێریشی دو جھێن ئەولەھیێ یێن ژ بۆ پاراستنا بیرێن نەفتێ ھاببازایێ ھاتنە ئاڤاکرن، کر و د ئێریشێ دا پۆلیسەک مر، ٢ پۆلیس ژی بریندار بوون.

دائشا رێخستنا تەرۆرێ د خەزیرانا ٢٠١٤ان دا تەڤاھیێ مووسل، سەلاھەددین و ئەنبارا ویلایەتێن یراقێ و بەشەکێ دییالا و کەرکووکێ زەفت کربوو، ئەڤ ھەرێم چەند سال شووندا ژ دەستێ رێخستنێ ھاتبوون خلاسکرن.

سەرۆکوەزیرێ یراقێ یێ بەرێ ھەیدەر ئەبادی د ٩ێ بەرفانبارا ٢٠١٧ان دا دیار کربوو ل ھەمبەری دائشێ ئەو ب سەر کەتن.

دائش ژ ھەرێمێ ھات دەرخستن و ژ وێ رۆژێ ھەیا نھا ٢ سال دەرباس بوون، لێ دیسا ژی رێخستن ل ڤان باژاران ئێریشێن خوە ددۆمینە.