ئیراقێ عه‌سكه‌ر شاند ده‌ردوورا كه‌ركووكێ

ئیراقێ عه‌سكه‌ر شاند ده‌ردوورا كه‌ركووكێ

ئارته‌شا ئیراقێ هێزه‌كه‌ هه‌ری زێده‌ شانده‌ ده‌ردووا پارێزگه‌هێن دیالا و كه‌ركووكێ، ئه‌ڤ هێز ژی د چارچووڤه‌یا ئۆپه‌راسیۆنا ب ناڤێ «ئیراده‌ت نه‌سر» ل دژی رێخستنا دائیشێ هاتیه‌ شاندن.

ئیرۆ رۆژا یه‌كشه‌می 2912/2019ان، ئارته‌شا ئیراقێ و حه‌شدا شه‌عبی، ده‌ست ب قۆناغا 8ان یا ئۆپه‌راسیۆنا ئیراده‌ت نه‌سر ل دژی رێخستنا ته‌رۆریستی یا دائیشێ ده‌ست پێ كر و ئه‌شكه‌ره‌ كر، ئه‌ڤ قۆناغ وێ ل 5 ئه‌نیێن جودا وه‌ره‌ مه‌شاندن.

ئارته‌شا ئیراقێ د به‌یانه‌كه‌ نڤیسكی ده‌ ده‌ست نیشان كر، ئیرۆ ل ئه‌نیێن «ئۆپه‌راسیۆنێن نه‌ینه‌وا، جه‌زیره‌، سه‌لاحه‌ددین و هه‌ر وها ل دیالا و كه‌ركووكێ» قۆناغا 8ان یا ئۆپه‌راسیۆنا ئیراده‌ت نه‌سر ل دژی دائیشێ ده‌ست پێ هاتیه‌ كرن.

هه‌ر وها ئاماژه‌ كر، پشتی كو خه‌لكێ ناڤچه‌یێ هه‌ست ب ڤه‌گه‌رینا لڤینێن دائیشێ ل ناڤچه‌یێ كری، وان ئیرۆ ئۆپه‌راسیۆن ده‌ست پێ كر و تێده‌ وێ ئه‌ڤ ئه‌نیێن ده‌ست نیشان كری ژ پاشمایێن ته‌رۆرێ بێن رامالین.

پشتی ئالۆزكه‌تنا ره‌وشا ئیراقێ، رێخستنا ته‌رۆریستیا دائیشێ ده‌لیڤه‌ ژ بۆ خوه‌ دیتیه‌ كو ل گونده‌وارێن هنه‌ك ژ پارێزگه‌هێن ئیراقێ و هه‌ر وها ناڤچه‌یێن كوردستانێ لڤینان بكن، لێ به‌لێ ل ڤێ داویێ هێزێن پێشمه‌رگه‌ ل ناڤچه‌یێن كوردستانێ و ئارته‌شا ئیراقێ ل پارێزگه‌هێن دن، ئۆپه‌راسیۆن ل دژی ته‌رۆرێ دانه‌ مه‌شاندن.