ل ئیراقێ باله‌فرێن جه‌نگ 6 ته‌رۆریستێن دائیشێ كوشتن

ل ئیراقێ باله‌فرێن جه‌نگ 6 ته‌رۆریستێن دائیشێ كوشتن

ل ئیراقێ د ئێریشا ئاسیمانی یا دژی جی و سەنگەرێن رێخستنا تەرۆرێ دائیشێ، ل نێزیکی سینۆرێ سووریێ دا، 6 تەرۆریست ھاتن کوشتن.

ل گۆر داخوه‌یانیا پۆلیسێن فه‌ده‌رال ل سینۆرێ پارێزگه‌ها مووسلێ، باله‌فرێن جه‌نگ یێن ئارته‌شا ئیراقێ ئیرۆ رۆژا یه‌كشه‌می 29/12/2019ان ئێرشا ئاسیمانی ل سه‌ر جی و ناڤه‌ندێن رێخستنا ته‌رۆرێ یا دائیشێ ل نێزی سینۆرێ سووریێ پێكانی و د ئه‌نجامێ ده‌ 6 ته‌رۆریست هاتن كوشتن.

هه‌ر وها ده‌ست نیشان كر، باله‌فران هه‌ژماره‌كا پێگه‌هێن دائیشێ ل بن ئه‌رد هه‌ده‌ف كرن كو ته‌رۆریستان خوه‌ تێده‌ ئاسێ كربوون و ژ وان پێگه‌هان ئێریش ل ناڤچه‌یێن سینۆرێ ئیراق و سووریێ پێكدئانین.

رێخستنا تەرۆرێ دائیشێ پشتی کو ل دیسامبه‌را 2017ان ل ئیراقێ خاکا کو کۆنترۆل دکر ژ ده‌ست دەرکەت، ژ وێ ده‌مێ و ژ بۆ کو ته‌رۆریستێن پاشمایێن وێ رێخستنێ خوه‌ ڤه‌شێرن، ئه‌و داكه‌تن بن ئه‌ردێ و تۆنێل كۆلان و ب رێیا وان تۆنێلان هه‌ره‌كه‌تێن خوه‌ ل ناڤچه‌یێن سینۆر د مه‌شینن.

ده‌ما 2 سالان ل سەر ژناڤبرنا دائیشێ را دەرباس بوویە، لێ بەلێ ل کەرکووکێ د سەری دا و ل دەڤەرێن گوندەوارێن پارێزگەھێن وەکه‌ مووسل، دیالا و سه‌لاحه‌ددینێ رێخستن ھەبوونا خوە د دۆمینە.