کۆمیسیۆنا مافێ مرۆڤان یا ل ئیراقێ دیارکر کو ژ مەھا ئۆكتۆبه‌رێ ڤە، د خوەپێشاندانێن ئیراقێ دە ھەری کێم 490 کەس ھاتنە کوشتن.
خوەپێشاندانێن ل ئیراقێ ل دژی گەندەلی، سیستەما رێڤەبەریا وەلات و داخوازا خزمەتگوزاریێ، ژ مەھا ئۆكتۆبه‌رێ ڤە دەوام دکن، هه‌یا ئیرۆ ژی خوەپێشان دەوام دکن، ل دەربارێ رێژەیا کوشتی و برینداران دە، کۆمیسیۆنا بلند یا مافێن مرۆڤان یا ل ئیراقێ داخویانیەک بەلاڤ کر.
ل گۆر کۆمیسیۆنێ 490 خوەپێشاندەر ھاتنە کوشتن و زێدەتری 22 ھەزاران ژی بریندار كه‌تنه، ھەروھا ھاتە گۆتن کو 56 خوەپێشاندەر ژی چاره‌نڤیسا وان نه‌دیاره و نایێ زانین، کۆمیسیۆنا بلند د داخویانیا خوە دە بەھسا کەسێن ھاتین بنچاڤ کرن یان ژی گرتن نەکریه.
هه‌ر چه‌ند كو سەرۆکوەزیرێ ئیراقێ ئادل ئه‌بدولمه‌هدی ل 29 مه‌هار رابووری ل سه‌ر بانگا خوه‌پێشانده‌ران ئیستیفا كر، لێ ھین ژی خوەپێشاندانێن ل ئیراقێ دەوام دکن.
د رۆژێن داویێ دە ژی سەرۆککۆمارێ ئیراقێ بەرھەم سالح حازری ژ بۆ ئیستفا كرنێ دیار كر، خوه‌پێشانده‌ر ژی دخوازن نامزەتەک سەربخوە ژ بۆ نامزەتیا سه‌رۆكتی یا حكوومه‌تا ئیراقێ وەرە دیار کرن.
