هه‌ژماره‌كا ناڤێن نوو ژ بۆ سه‌رۆك وه‌زیرتیا ئیراقێ هات نامزه‌ت كرن، هه‌ر چه‌ند كو ئه‌ڤ نامزه‌ت نه‌بوونه فه‌رمی، لێ به‌لێ ئالیێن سیاسی نیقاشا ده‌ست نیشان كرنا یه‌ك ژ وان ناڤان دكن.
ژ رۆژا سەرۆکوەزیرێ ئیراقێ عادل عەبدولمەھدی ئیستفا کری، ھەیا نھا ت کەسەک ل شوونا وی جھ نەگرتیە و نھا ئیراق بێ سەرۆکوەزیرە.
کەسێن ھەیا نھا ھاتبوون نیشاندان ژ ئالیێ خوه‌پێشانده‌ران هاتن رەد کرن، ژ بۆ ڤێ ژی ھنەک کەسێن نوو ژ بۆ سەرۆکوەزیرتییا ئیراقێ ھاتن پێشنیاز کرن.
ئالۆزییا ل ئیراقێ دەوام دکە، ھین ژی سەرۆکوەزیرەک نوو ژ بۆ ئیراقێ نەھاتیە ھلبژارتن، د دەما رابووری دە ئه‌سعه‌د عێدانی یێ سەر ھەڤپەیمانییا بینا وەکە نامزەت ژ بۆ سەرۆکوەزیرتیێ ھاتە نیشاندان، لێ ھاتە رەد کرن، ژ بۆ سەرۆکوەزیرتییا ئیراقێ نها ھنەک ناڤێن دن ھاتن پێشنیاز کرن و نیقاش ل سەر تێ کرن.
هه‌ر یه‌ك ژ سالح حه‌سناوی کو بەرێ وەزیرێ تەندروستیێ بوو و سەرۆکێ زانینگەھا بەغدا عیماد حسێنی ژ بۆ سەرۆکوەزیرتییا ئیراقێ ھاتنە پێشنیاز کرن، تێ گۆتن کو نھا ژ بۆ دەرخستنا کەسەک ژ ڤان ژ بۆ سەرۆکوەزیرتیێ نیقاش تێن کرن.
