بلۆمبێرگ: «رووسیا فه‌ده‌رال ژ هه‌ر ده‌می بهێزتره‌»

بلۆمبێرگ: «رووسیا فه‌ده‌رال ژ هه‌ر ده‌می بهێزتره‌»

پێگه‌ها بلۆمبێرك ئه‌شكه‌ره‌ كر، رووسیا فه‌ده‌رال د وه‌ختا 20 سالێن رابووری ره‌ بهێز كه‌تیه‌ و نها ژ هه‌ر ده‌می بهێزتر بوویه‌.

پێگه‌ها بلۆمبێرگ یا ئه‌مه‌ریكی كو تایبه‌ته‌ ب نووچه‌یێن ئابووریێ د شیرۆڤه‌كرنه‌كا خوه‌ ده‌ به‌هسا رووسیا فه‌ده‌رال و بهێزكه‌تنا پێگه‌ها وێ كریه‌ و دبێژه‌: د دەما 20 سالێن دەستھلاتا ڤلادیمێر پۆتن دە، رووسیا دەما خوە یا زێرین ده‌ ژیان كریه‌ و نها ژ هه‌ر ده‌می بهێزتره‌.

بلۆمبێرگ دنڤیسە کو رووسیا ل گەل چینێ خوەدی تێكلیێن بھێزە، کاریە هه‌رێما كرێمیا ب خوە ڤە گرێ بدە، بالانسا سووریێ ب گوھەرینە، چەک بفرۆشە ترکیێ كو ئه‌نداما هه‌ری دیار یا هه‌ڤپه‌یمانێتیا ناتۆیێ یه‌.

بلۆمبێرگ هه‌ر وها ده‌ست نیشان كریه‌، باندۆرا رووسیا ل رۆژھلاتا ناڤین زێده‌ بوویه‌ کو نھا رووسیا ھێزا سەرەکەیه‌ ل دەڤەرێ، باندۆرا خوە ل ئەفریقا ژی زێدە كریه‌.

پێگه‌ها بلۆمبێرگێ د وێ شیرۆڤه‌یا خوه‌ یا نووچه‌یان ده‌ به‌هسا سه‌ركه‌تێن ئابووری و سه‌تراتیژی یێن رووسیایێ ل ته‌ڤ جیهانێ كرنه‌.