شێوەرمەندێ ئاسایشا نەتەوی یا ئەمەریکا رۆبەرت ئۆبرەن دەربارێ ئێریش و بەرسڤدانا ئیرانێ ژ کوشتنا قاسم سولەیمانی دە ھشیاریێ ددە دەستھلاتێن ئیرانێ و دبێژە، ھەر ئێریش و بەرسڤدانەکە ئیرانێ دەربارێ کوشتنا قاسم سولەیمانی دە، وێ بریارەکە گەلەکی شاش بە.
ئۆبرەن ژ رۆژنامەڤانان رە راگھاند، ئارمانجکرنا قاسم سولەیمانی ژ بەر وێ یەکێ بوو کو ئیرانێ ب رێکا وی، پلان دکر ئێریشی سەرباز و دیپلۆماتکارێن ئەمەریکایێ ل ناڤچەیێ بکە.
ئۆبرەن تەکەز کر، سولەیمانی ل پشت ئێریشا رۆژا 27ێ مەھا بووری بوو یاکو ل کەرکووکێ هاتی کرن ل سەر بنکەیا ئەمەریکی یا ب ناڤێ K1، کو د ئەنجامێ دە کەسەکی ئەمەریکی ئێ کو ب گرێبەست ژ بۆ ئەمەریکایێ کار دکر، ھاتبوو کوشتن.
شێورمەندێ ئاسایشا نەتەوییا ئامەریکا ھێڤی ژی خواست، کوشتنا سولەیمانی باندۆرێ ل پێوەندیێن وانیێن باش ب ئراقێ رە نەکە.
تێ زانین کو قاسم سولەیمانی و ھەژمارەک بەرپرسێن ھەشدا شەئبی ل نێزیکی فرۆکخانەیان ناڤدەولەتییا بەخدایێ ل شەڤا 3/1/2019ان د ئێریشەکە فرۆکەیەکە بێ فرۆکەڤان ئا ئامەریکا دە ھاتبوون کوشتن.
