ل بەخدایێ مەراسیما ئۆخرکرنا کوشتیێن ھەشدا شەئبی برێڤە دچە

ل بەخدایێ مەراسیما ئۆخرکرنا کوشتیێن ھەشدا شەئبی برێڤە دچە

ل بەخدایا پایتەختێ ئیراقێ ژ بۆ فەرماندارێ ھێزا قودسێ یا ئارتێشا مھافزێن شۆرەشا ئیرانێ قاسم سلێمانی و ئالیکارێ سەرۆکێ ھەشدا شەئبی ئەبو مەھدی ئەل-موھەندسێ کو د ئێریشا ئەمەریکایێ یا ل تەخا بالافرگەھا بەخدایێ دا ھاتن کوشتن، مەراسیما ئۆخرکرنا جنازە ھات کرن.

ژبلی سەرۆکوەزیرێ کاربرێکەرێ ئیراقێ ئادل ئەبدوولمەھدی و سەرکردەیێن سیاسی و سەربازییێن ئیراقێ، ھەژمارەکە زێدەیا خەلکێ ژی بەشداری وێ مەراسیما ئوخرکرنا جەنازەیێن کوشتیێن ھەشدا شەئبی بوونە.

د مەراسیما جنازەیان دا دروشمێن وەک “ژ ئەمەریکایێ رە نا”، “ژ ئیسرایلێ رە نا” و “شەیتانێ ھەری مەزن ئەمەریکا” ھاتن بەرزکرن.

جنازەیێن سلێمانی و موھەندس وێ ببن کەربەلایێ و پاشێ ژی جنازەیێ موھەندس وێ ل باژارێ نەجەفێ بێ ڤەشارتن و جەنازەیێ قاسم سولێیمانی ژی وێ ژ بۆ ئیرانێ بێ ڤەگوھاستن و پشترە وێ بۆ کرمانێ بێ ڤەگوھاستن و بێ ڤەشارتن کو ل وی باژاری ژ داییک ببوو.

ژ بەر کوشتنا سلێمانی ل ئیرانێ رێبەرێ کۆمارا ئیسلامی ئەلی خامەنەیی 3 رۆژ وەک شینا نەتەوەیی ئیلان کرن و د شوونا سلێمانی دا ئالیکارێ وی میرلیوا ئیسمایل قاانی ھات وەزیفەدارکرن.

قاسم سولێیمانی، ئەبو مەھدی موھەندس و ھەژمارەکە سەرکردەیێن ھەشدا شەئبی یێن سەر ب ئیرانێ، دوھ ل نێزی بالافرخانەیا بەخدایێ ژ ئالیێ بالەفرێن بێ پیلۆت یێن ئەمەریکایێ ڤە ھاتبوون بۆمبەبارانکرن و کوشتن.