مه‌راسیما ڤه‌گوهاستنا جه‌سه‌دێن قاسم سوله‌یمانی و ئه‌بۆ مه‌هدی موهه‌ندس، ئیرۆ ل به‌غدایێ هاتن رێخستن، لێ به‌لێ جه‌سه‌دێن وان ب ترومبێله‌كێ هاتن ڤه‌گوهاستن كو بكوژێن وان چێكرنه.
ئیرۆ رۆژا شه‌می 4/1/2020ێ مه‌راسیما شینی و ڤه‌گوهاستنا جه‌سه‌دێن قاسم سوله‌یمانی فه‌رماندارێ فه‌یله‌قا قودس یا ئیرانی و ئه‌بۆ مه‌هدی موهه‌ندس كو دوهـ رۆژا ئینی د ئێریشه ئاسیمانی یا ئه‌مه‌ریكی ده ل نێزی باله‌فرخانه‌یا به‌غدایێ هاتنه كوشتن برێڤه‌چوون، لێ تشتا سه‌یر ئه‌وه كو جه‌سه‌دێن وان د پشتا ترومبێله‌كه شیڤرۆلێ یا ئه‌مه‌ریكی ده بوو، ئه‌ڤ یه‌ك ژی ل سوشیال مه‌دیایێ كارڤه‌دان ل په‌ی خوه ئانین.
چالاكێن كو ئه‌ڤ وێنه پارڤه‌كرنه، كۆمێنتێن جودا ل سه‌ر نڤیساندنه، یا هه‌ری دیار ئه‌ڤ بوو (شینیا سولیمانی ب سپۆنسه‌رییا شیڤرۆلێتێ یه).
هنه‌ك چالاكان ژی ئه‌ڤ بوویه‌ر ب هه‌بوونا هه‌ڤدژیه‌كه ئه‌شكه‌را د گۆتارا میلیشیایێن ئیراقێ ده د راستا ئه‌مه‌ریكایێ ده وه‌سف كرن.
ترومبێلا ئه‌مه‌ریكی یا كو جه‌سه‌دێ سوله‌یمانی و ئه‌بو مه‌هدی موهه‌ندس هه‌لگرتی، د ناڤا جه‌ماوه‌ره‌كێ هه‌ری زۆر ره ده‌رباس بوو و سلۆگان ل دژی ئه‌مه‌ریكایێ دهاتن گۆتن.
