فەرماندارێ نوو یێ فەیلەقا قودس گەف ل ئەمەریکا کرن

فەرماندارێ نوو یێ فەیلەقا قودس گەف ل ئەمەریکا کرن

ل گۆرەی زانیاریێن مەدیایی ئێن ئیرانێ کو ئیرۆ رۆژا دو شەمی 6کانۆنا دویەمین ئا سالا 2020 هاتینە پارڤەکرن، ئیسماعیل قائانی، فەرماندارێ نوو یێ فەیلەقا قودس یا سوپایێ پاسدارێن ئیرانێ، سۆزا شەرکرنێ هەیا داویێ دایە تاکو هێزێن ئەمەریکا ل هەموو ناڤچەیێ دەر بکن.

کەنالێ فەرمی یێ ئیرانێ و ئاژانسا رۆیتەرز داخوەیانیەکا قائانی پارڤەکریە کو ل دەما پێشوازی کرن ل جەنازەیێ قاسم سولەیمانی ل تەهرانێ ئاخفتیە و گۆتیە: سۆز ددین ب هەمان هێزێ ئەم بەردەوام بین ل کاروانێ سولەیمانی، تشتا کو ئارامیێ ب مە ددە ب تەنێ دەرکرنا ئەمەریکیایە ل ناڤچەیێ.

ئاخافتنێن قائانی پاش چەند رۆژان ژ کوشتنا قاسم سولەیمانی، فەرماندارێ بەرێ ئێ فەیلەقا قودس ئا سوپایێ پاسدارێن ئیرانێ و ئەبو مەهدی موهەندیس، جێگرێ سەرۆکێ دەستەیا هەشدا شەئبی و هەژمارەکە دن ژ کەسێن نێزی وان تێ کو ل دەردۆرا بالەفرخانەیا ناڤدەولەتی یا بەخدایێ ل سەرێ سبێ یا رۆژا 1/3/2020ان ژ ئالیێ بالەفرێن بێ پیلۆت ئێن ئەمەریکا هاتن کوشتن.

پاش کوشتنا قاسم سولەیمانی، رایەدارێن بلند ئێن کۆمارا ئیسلامی یا ئیرانێ هەر یەکێ ژ ئالیێ خوە ڤە گەف ل ئەمەریکایێ کرن کو وێ ئیران، بەرسڤا ڤێ کارێ ئەمەریکایێ بدە و وێ ب توندی بەرسڤا ئەمەریکایێ بدە.