ترامپ حه‌نه‌كان ناكه‌ وی ب سه‌رێ ئیراقێ سووند خواریه‌

ترامپ حه‌نه‌كان ناكه‌ وی ب سه‌رێ ئیراقێ سووند خواریه‌

ئیراق دێ راستی هنه‌ك جه‌زایان به‌ كو جه‌زایێن سه‌ر ئیرانێ وێ پێش وان جه‌زایان ڤه‌ هه‌ری بچووك و تونه‌ بن

سه‌رۆكێ ویلایه‌تێن یه‌كگرتی یێن ئه‌مه‌ریكایێ، گه‌ف ل ئیراقێ كرن و راگهاند؛ هه‌گه‌ر ئه‌و ولات داخوازا ده‌رخستنا هێزێن ئه‌مه‌ریكایێ بكه‌، دێ راستی جه‌زایێن هه‌ری دژوار به‌، ب ئاوایه‌كی كو جه‌زایێن ل سه‌ر ئیرانێ دێ ل همبه‌ر وان گه‌لكی بچووك و تونه‌ بن.

پارلەمەنا ئیراقێ وه‌كه‌ كارڤه‌ندان ل همبه‌ر هه‌ده‌ف كرنا قاسم سوله‌یمانی فه‌رماندارێ فه‌یله‌قا قودس و ئه‌بو مه‌هدی موهه‌ندس جێگرێ سه‌رۆكێ ده‌سته‌یا حه‌شدا شه‌عبی ژ ئالیێ ئه‌مه‌ریكایێ ڤه‌، دوهـ رۆژا یه‌كشه‌می 5/1/2020ان قانوونا ده‌رخستنا هێزێن هه‌ڤپه‌یمان و ئه‌مه‌ریكایێ په‌ژراند، حكوومه‌تا نوو یا ئیراقێ سه‌رپشك كریه‌ كو قانوونێ بجی بكه‌.

هه‌ر د زوو ده‌ دۆنالد ترامپ سه‌رۆكێ ئه‌مه‌ریكایێ د به‌رسڤا پارلمه‌نا ئیراقێ ده‌ گه‌ف كر و راگهاند؛ ئه‌و ژ ئیراقێ ده‌رناكه‌ڤن هه‌یا كو ئه‌ڤ ولات خه‌رجیێن ئاڤاكرنا بنگه‌ها ئاسیمانی یا ئه‌مه‌ریكایێ ل ئیراقێ نه‌ده‌ كو ملیارێن دۆلاران تێ چوویێ وێ یه‌.

هه‌موه‌خت گۆت: «هه‌گه‌ر ئیراق رژد به‌ ل سه‌ر ده‌رخستنا هێزێن ئه‌مه‌ریكایێ ب ئاوایه‌كی نه‌ دۆستانه‌، ئه‌مه‌ریكا دێ جه‌زایێن ئابووری یێن هه‌ری دژوار ل سه‌ر ئیراقێ دانیت ب ئاوایه‌كی كو جه‌زایێن ئه‌مه‌ریكایێ ل سه‌ر ئیرانێ ب همبه‌ر كرن ل گه‌ل وان جه‌زایان، دێ هه‌ری بچووك و تونه‌ بن.

دۆنالد ترامپ گه‌له‌ك ب زه‌لالی گۆت: «جه‌زایێن كو دێ ل سه‌ر ئیراقێ وه‌رن سه‌پاندن، دگه‌مه‌نن و ت جاره‌كێ وه‌كه‌ وان جه‌زایان د دیرۆكێ ده‌ نه‌هاتبنه‌ بهیستن».

پارلمه‌نا ئیراقێ پرۆژە بریارەک 5 خالی پەژراند و بریار دا هێزێن هەڤپەیمانان ل ئیراقێ وەرن دەرکرن، د وێ بریارێ ده‌ هاتییه‌ كو پێویسته‌ ئیراق داخوازا خوه‌ ژ هه‌ڤپه‌یمانییا ناڤده‌وله‌تی هه‌لوه‌شینه‌، هه‌ر وها پێویست دکە ل سەر حکوومەتا ئیراقێ کو رێ نەدە تو هێزەکە بیانی ب هەر ئەگەرەکێ خاک و ئاڤ و ئاسیمانێ ئیراقێ ببەزینە، د خاله‌كه‌ دن دا هاتییه‌ كو پێویسته‌ چه‌ك د ده‌ست ده‌وله‌تێ ده‌ بێ سینۆردار كرن، ئیراق ژی ل نه‌ته‌وه‌یێن یه‌كبوویی سكالایێ ل ئه‌مه‌ریكایێ بكه‌.

چاڤدێرێن كو ره‌وشا ئیراقێ و رۆژهلاتا ناڤن د شۆپینن نه‌رینا وان ئه‌ڤه‌ كو هه‌ر جه‌زایه‌كه‌ ئه‌مه‌ریكایێ ل سه‌ر ئیراقێ، دێ وی ولاتی وێران بكه‌ ب سه‌ده‌ما كو داهات و بودجا ئیراق ب رێژه‌یا 90% پشتبه‌ستنێ ل سه‌ر په‌ترۆلێ دكه‌، هه‌گه‌ر ئه‌مه‌ریكایێ جه‌زا ل سه‌ر كه‌رتا په‌ترۆلا ئیراقێ سه‌پاندن، وێ هه‌ژاریه‌كه‌ مه‌زن ل ڤی ولاتی ئاڤا ببه‌.

هه‌ر وها نه‌رینه‌كه‌ دن ژی هه‌یه‌ دبێژه‌: ئیراق نه‌ ئه‌ڤ ولاته‌ كو بكاره‌ خوه‌ ل به‌ر جه‌زایێن ئه‌مه‌ریكایێ بگره‌، هه‌ر جه‌زایه‌كه‌ ل سه‌ر كه‌رتا وێ یا په‌ترۆلێ، نه‌دووره‌ ئیراق وه‌كه‌ ده‌وله‌ت نه‌مینه‌.