هه‌ڤپه‌یمانێتیا باكورێ ئه‌تله‌سی ناتۆ وێ ل ده‌ربارا ره‌وشا رۆژهلاتا ناڤین، جڤینه‌كێ ل داربخه، ئه‌ڤ جڤین پشتی گه‌فێن ئه‌مه‌ریكا و ئیرانێ تێ كو نه‌دووره جه‌نگه‌كه مه‌زن ل په‌ی خوه بینه.
كوشتنا قاسم سوله‌یمانی یێ فه‌رماندارێ فه‌یله‌قا قودس یا ئیرانێ، ره‌وشا رۆژهلاتا ناڤێن به‌ر ب ئاقاره‌كه نه‌زه‌لال بر و وها بریاره، هه‌ڤپه‌یمانێتیا ناتۆیێ ل سه‌ر ئاستا بالیۆزێن ولاتێن ئه‌ندام جڤینه‌كێ ژ بۆ گۆتوبێژ كرنا ره‌وشێ، ل دار بخه.
د ڤێ ده‌ربارێ ده، چاڤكانیێن هه‌ڤپه‌یمانێتیا ناتۆیێ ئه‌شكه‌ره كرنه، جڤینا كو بریاره وه‌ره ل دارخستن وێ ل سه‌ر ئاستا بالیۆزێن ولاتێن ئه‌ندام به و تێده وێ ره‌وشا رۆژهلاتا ناڤین پشتی كوشتنا قاسم سوله‌یمانی و كارڤه‌دانێن ل په‌ر وێ كوشتنێ وه‌رن گۆتوبێژ كرن.
هه‌ر وها ده‌ست نیشان كر، سه‌كره‌ته‌رێ گشتی یێن هه‌ڤپه‌یمانێتیا ناتۆیێ، په‌یوه‌ندی ب ولاتێن ئه‌ندام كریه ژ بۆ كو به‌رهه‌ڤی جڤینا چاڤه‌رێ كری یا هه‌ڤپه‌یمانێتیێ ببن.
پشتی بوویه‌را كوشتنا سوله‌یمانی و گه‌فێن ئیرانێ یێن به‌رسڤدایینێ، هه‌ڤپه‌یمانێتیا ناتۆیێ چالاكیێن خوه یێن مه‌شقا هێزێن ئیراقی ب ئاوایه‌كه وه‌ختی راگرتنه.
