لیندسی گراهام نوونەرێ کۆماریخوازان د پارلەمێنتۆیا ئەمەریکایێ دە ب تەکەز کرن ل سەر پێویست بوونا تەڤگەریانا ب هێز ل دژی رەژیما ئیرانێ دیاركر، ئیران مەزنترین دەولەتا پشتەڤانا “تەرۆریزمێ”یە.
لێندسی گراهام ل سه‌ر هه‌سابا خوه یا تویته‌رێ نڤیساند: هەڤکارێن من یێن دەمۆکرات، پێویستە ل همبەر دەست درێژیێن 40 سالی یێن ئیرانێ مە پێرابوونێن جددی و یەکلاکەر هەبن.
گراهام هەر وها راگهاند، ئیران مەزنترین دەولەتا پشتەڤانا تەرۆریزمێ یە، چەک و جەبلخانەیان ژ بۆ کوشتنا ئەمەریکیا د ئیراقێ دە بەرهەڤ دکە، فاکتەرێ سەرەکە یێ پارچەبوونا سووریێ و یەمەنێ بوویە و هەمولاتیێن ئازادی خواز د ڤان ولاتان دە دکوژە.
ناڤبری هەڤدەم دگەل تەکەز کرن ل سەر ڤێ یەکێ کو سەرۆک کۆمار ترامپ د خواستەکا خوە دە سەبارەت گوهەرینا رەفتار و کریارێن رەژیما ئیرانێ، ب تەمامی ل سەر حەقە.
هەروها راگهاند، پەرچەکردارا ب هشیاری یا پارتیا دەمۆکرات عەلاقەدار ب کوشتنا سولەیمانی، ب تەنێ دبیتە فاكته‌ره‌ك ژ بۆ هاندانا دوژمنێن مە.
گراهام ب ئیشارە دان ب ڤێ یەکێ “داوی تشت کو ئەمەریکا پێویستی پێ هەبە، 535 فەرماندارێن سەربازی یە چما کو گەلێ ئەمەریکا سەرۆکەک هلبژارتیە کو ئەو دۆنالد ترامپە” راگهاند: ئەز وێ دژاتیا هەر بریارەکا پیلۆسی بکم تاکو سەرۆک کۆمار بکارە دەستهلاتێن خوە وەکە فەرماندارێ گشتی یێ هێزێن چەکدار ل گۆر پێویستیا خوە بکار بینە.
ئەڤ یەک د دەمەکێ دەیە کو نانسی پیلۆسی سەرۆکا کۆنگرێسا ئەمەریکا، رۆژا ئینی ل سه‌ر هه‌سابا خوه یا تویته‌رێ نڤیساند بوو، دەولەتا ترامپ ئێریشێن ئاسیمانی ل ئیراقێ پێک ئانینە، رایەدارێن مەزن ئێن ئیرانێ هەدەف کرنە و قاسم سولەیمانی فەرماندارێ سوپایێ قودس بێ دەستوورپیا بکارئانینا هێزا سەربازی ل دژی ئیرانێ و بێ تو راوێژەک ب کۆنگرێسێ، کوشتیە.
