ئیرانێ گەفێن خوە کرن راستی و ئێریشی ئەمەریکا کر

ئیرانێ گەفێن خوە کرن راستی و ئێریشی ئەمەریکا کر

سەرێ سبێ یا ئیرۆ سپایێ پاسداران یێ ئیرانێ ب 20 مۆشەکێن بالیستیک ئێریشی سەر چەند بنگەهێن سەربازی یێن ئەمەریکایێ ل ئیراقێ کرن.

سەرێ سبێ یا ئیرۆ 8/1/2020ان سپایێ پاسدارێن ئیرانێ ب 20 مۆشەکێن بالیستیک ئێریشی سەر چەند بنگەهێن سەربازی یێن ئەمەریکایێ ل ناڤا خاکا ئیراقێ کرن، ئەڤ ئێریش ل گۆرەی داخویانییا سپایێ پاسدارێن ئیرانێ ژ بۆ تۆلهلدانا قاسم سولەیمانی فەرماندارێ سپایێ قودس یێ ئیرانێ هاتینە ئەنجامدان.

 مۆشەک بۆ سەر پێگەها عەین ئەسەد ئا سوپایێ ئەمەریکا ل رۆژئاڤایێ پارێزگەها ئەنبار کو مەزنترین پێگەها سەربازی یا ئەمەریکایێ یە ل ئیراقێ هاتنە ئاراستە کرن.

ل گۆرەی چاڤکانیێن ئەولەهی یێن ئیراقێ، 9 مۆشەک ب بنگەها سەربازی یا ئەمەریکی ل ئەنبارێ کەتینە.

كه‌نالێ فەرمی یێ ئیرانێ ژی بەلاڤ کریە، ئەو ئێریشا مۆشەکی ژ ئالیێ سپایێ پاسدارێن ئیرانێ ڤە هاتیە ئەنجامدان، وەکە تۆلهلدانەک ل همبەر کوشتنا قاسم سولەیمانی ل 3/1/2020ان ژ ئالیێ ئەمەریکایێ ڤە.

ئالیێن فه‌رمی یێن ئیراقێ ئه‌شكه‌ره‌ كرنه‌ كو تو زیانێن جانی د ناڤا رێزێن سوپایێ ئه‌مه‌ریكایێ ده‌ ل ئیراقێ نه‌ هاتنه‌ تۆمار كرن.

هەڤدەم دەنگێ دو تەقینان ل دەردۆرا باژارێ هەولێر یا پایتەختا هەرێما باشوورێ کوردستانێ هاتبوو بهیستن و تێ گۆتن كو مۆشه‌كه‌ ئیرانێ ب نێزی وان ده‌ردووران ژی كه‌تییه‌.