به‌ریتانیا داخوازییه‌كێ ژ ئیرانێ دكه‌

به‌ریتانیا په‌یام ل ده‌ربارا ئێریشێن ئیرانێ وه‌شاند

وه‌زاره‌تا كارێن ده‌رڤه‌ یا به‌ریتانیایێ ل ده‌ربارا ئیریشا ئیرۆ یا ئیرانێ ل سه‌ر بنگه‌هێن سه‌ربازی یێن ئه‌مه‌ریكایێ ل ئیراقێ داخوه‌یانی و خوه‌ست پێویسته‌ ئیران تو كارێن دی یێن هه‌ڤئاوا نه‌كه‌.

دۆمینیک راب، وەزیرێ دەرڤە یێ بەریتانیایێ ل سەر ئێریشێن مۆشەکی یێن ئیرانێ بۆ سەر بنگەهێن سەربازی یێن ئەمەریکایێ ل ئیراقێ راگهاند، ئەم وان ئێریشێن ئیرانێ یێن ل سەر بنگەهێن سەربازی یێن ناڤا خاکا ئیراقێ دە پرۆتەستۆ دکین کو هێزێن هەڤپەیمانیا ناڤدەولەتی تێدانە، کو هێزێن بەریتانیایێ ژی دگەلدانە.

دۆمینیک راب هەر وها راگهاند، ئەم دلگرانین ژ وان راپۆرێن باس ل زیانێن گیانی دکن، ئەم بانگەوازێ دکین ئیران تو جارەکە دن ڤان ئێریشێن خەتەر دوبارە نەکە ژبەرکو شەر ل رۆژهلاتا ناڤین ب تەنێ سوود ژ بۆ تەرۆریستان هەیە.

شەڤا رابووری سپایێ پاسداران وەکە تۆلهلدانا کوشتنا قاسم سولەیمانی فەرماندارێ فەیلەقا قودس یا ئیرانێ کو ژ ئالیێ ئەمەریکایێ ڤە هاتیە کوشتن، ب 20 مۆشەکان ئێریش کرە سەر دو بنگەهێن سەربازی یێن ئەمەریکایێ ل ئیراقێ، لێ بەلێ ڤان ئێریشان تو زیانەکە گیانی ل پاش خوە نەئانی.