عه‌بدولمه‌هدی هوشداریێ ژ جه‌نگه‌كه‌ وێرانكه‌ر دده‌

عه‌بدولمه‌هدی هوشداریێ ژ جه‌نگه‌كه‌ وێرانكه‌ر دده‌

عه‌بدولمه‌هدی: تەهرانێ ئەم هایدار کربوون کو وێ ئێریشی پێگەهێن ئەمەریکا بکن

سەرۆک وەزیرێ کار ب رێکەرێ ئیراقێ تەکەز کر کو ئیرانێ ئەو ژ دەست پێکرنا ئێریشێن مۆشەکی ژ بۆ سەر پێگەهێن ئەمەریکایێ د ناڤا ئیراقێ دە هایدار کربوون.

عادل عەبدوالمه‌هدی سەرۆک وەزیرێن ئیراقێ، راگهاند تەهرانێ گارانتی دابوو ئیراقێ کو ئەڤ ئێریشێن مۆشەکی، ب تەنێ وێ وان ناڤچەیان ڤەگرە کو هێزێن سەربازی یێن ئەمەریکایێ تێدە نە.

ناڤبری د درێژاهییا داخوەیانیا خوە دە گۆت: “هەیا نها مە تو خەبەرەک ژ زرارێن گیانی یێن هێزێن خوە یان هێزێن ئەمەریکایێ نەوەرگرتینە”.

ل گۆرەی ئاخافتنا ناڤبری ئەڤ کریزە پر جددی بوویە و ناڤچە و جیهانێ ب خەتەرەیا شەرەک وێرانکەر تەهدید دکە.

عەبدولمەهدی تەکەز کر: “ئەم هەموو ئاوایێن بن پێ کرنا مافێ دەسهلاتدارییا سەر ئیراقێ و تەجاوزا سەر خاکا وێ رەد دکین”.

د ڤێ زەمینێ دە بەردەڤکێ هێزێن چەکدار ئێن ئیراقێ ب ڤەگێراندن ژ کانالێ تەلێگرامێ یێ ئاژانسا ئیراقێ خەبەر ژ “پەیاما زارەکی یا فەرمی یا ئیرانێ سەبارەت ب بەرسڤا تەرۆرا قاسم سولەیمانی فەرماندارێ سوپایێ قودس” دا.

هێژایی گۆتنێ یە سولەیمانی ل شەڤا ئینی یا دەرباس بوویی د ئێریشا بالەفرێن بێ پیلۆت یێن ئەمەریکایێ ل سەر ئەرەبەیا ڤەگوهاستنا وی ل دەما دەرکەتن ژ بالەفرخانەیا ناڤدەولەتی یا بەخدایێ هات کوشتن.