سەرۆکێ هه‌یئه‌تا ئەولەکاریێ یا سەرئەرکانیا ئیرانێ ئەبدولاھ ئیراقی، ئێریشا مۆشه‌كی کو وان دوھ ل دژی بارەگەھێن ئەمەریکایێ یێن ل ئیراقێ پێكانیه، ب بیر خست و وھا گۆت: “ئەمێ د سبەرۆژەکە نێزیک دا، تۆلەکە توندتر (ژ ئەمەریکایێ) بستینن”.
ل گۆری ئاژانسا نووچەیان تەسنیمێ، ئیراقی ل ناڤچەیا ئیسفەھانێ ئاخڤی و وھا گۆت: “ئارته‌شا پاسدارێن شۆرشێ، یەک ژ بازوویێن رێبەر ئایەتوللاھ ئەلی خامەنەیی یە و دێ د سبەرۆژەکە نێزیک دا، ژ دژمن (ئەمەریکا) تۆلەکە توندتر بستینە”.
سی ئای ئه‌ی و مۆسادێ ئالیكاری بۆ كوشتنا سوله‌یمانی كرن
ژ ئالیێ خوه ڤه، شێورمەندێ بلندێ ئەسکەری یێ خامەنەیی، یەھیا رەھیم سه‌فەوی ژی دیار کر کو ئێریشا دژی قاسم سوله‌یمانی ب ھەڤکاریا ئیسخباراتێن ئه‌مه‌ریكا و ئیسرائیلێ ھات کرن.
سه‌فەوی د ئاخافتنا خوە یا ل بنکەها پاسدارێن شۆرەشێ ل تەبریزێ دا وھا گۆت: “تۆرێن ئیستخباراتێ یێن تەرۆرا ناڤنەتەوەیی سی ئای ئه‌ی و مۆساد، ھەسابەکی خەلەت کرن و ئەڤ جنایەت کرن.”
ئێریشا دژی بارەگەھا ئەین ئەل-ئەسەد
وەزارەتا پاراستنێ یا ئەمەریکایێ (پێنتاگۆن) ل 3/1/2020ان راگھاندبوو کو قاسم سوله‌یمانیێ فەرماندارێ ھێزا قودسێ یا مھافزێن شۆرەشا ئیرانێ و ئالیکارێ سەرۆکێ ھەشدا شه‌ئبی ئەبو مەھدی ئەل-موھەندس، د ئێریشا کو نێزی بالافرگەھا بەخدایێ ھات کرن دا ھاتن کوشتن.
د ئێریشێ دا ل گەل سوله‌یمانی و سەربازێن ئیرانی، 10 کەسێن کو د ناڤێ دا مھەندس ژی ھەیە، ھاتبوون کوشتن.
رێبەرێ دینی یێ ئیرانێ ئایەتوللاھ ئەلی خامەنەیی د داخویانیا خوە یا ئەولا پشتی ئێریشێ دا گۆتبوو کو ئەوێ ژ ئەمەریکایێ تۆلێ بستینن.
پاسدارێن شۆرەشێ، 5 رۆژ پشتی کوشتنا سوله‌یمانی دوھ ئێریشی بارەگەھا ئەین ئەل-ئەسەدا ئەمەریکایێ کربوون و د ئێریشێ دا 80 ئەسکەرێن ئەمەریکایێ ھاتن کوشتن، لێبەلێ سەرۆکێ ئەمەریکایێ دۆنالد ترامپ ژی ئەشکەرە کربوو کو د ئێریشێ دا تو تشت ب کەسی نەھات و کوشتی و بریندار تونەنە.
