سەرۆک کۆمارێ ئیرانێ ھەسەن رۆھانی کوشتنا جەنەرال قاسم سولەیمانی و ئێریشا کو وەلاتێ وی پشتی کوشتنێ بر سەر بارەگەھێن ئامەریکایێ یێن ل ئیراقێ ب بیر خست و گۆت کو «گەر ئەمەریکا خەتایەکە دن بکە دێ ب بەرسڤەکە گەلەک خەتەر روو ب روو بمینە».
ل گۆر ئاژانسا فەرمییا ئیرانێ «ئیرنا» یێ رۆھانیێ کو ب تەلەفۆنێ ب بۆریس جۆنسۆنێ سەرۆک وەزیرێ بەریتانیا یێ را ئاخڤی دیار کر کو ئێریشا کو برن سەر بارەگەھێن ئەمەریکایێ یێن ل ئەین ئەل-ئەسەدێ ل گۆر مادەیا 51ەمینا نەتەوەیێن یەکبوویی یە.
رۆھانی چالاکیێن ئەمەریکایێ یێن ل ھەرێمێ وەکی «تەشەبووسێن تەرۆرێ» نرخاند و گۆت کو «ھەکە ئەمەریکا خەتایەکە دن بکە دێ ب بەرسڤەکە گەلەک خەتەر روو ب روو بمینە”.
رۆھانی راگھاند ئەگەر وەلاتێن ئەورۆپایێ سۆزێن خوە ب جی بینن ئیران ژی دێ سۆزێن خوەیێن د چارچۆڤەیا پەیمانا ئەتۆمی دا ب جی بینە.
پەیمانا ئەتۆمی دڤێ بێ پاراستن
سەرۆک وەزیرێ بەریتانیا جۆنسۆن ژی د ئاخافتنا خوە دا قالا فکارا خوەیا ژ بەر بوویەرێن کو د ھەفتەیا داوین دا قەومین دەرکەت ھۆلێ کر و بانگی ئالیان کر کو راگەشیێ کێم بکن.
جۆنسۆن دەستنیشان کر کو باشکرنا تێکلییێن لۆندۆن-تەھرانێ مەجبوورییە و ژ بۆ کو ئەولەھیا ناڤخوەیی خورت ببە دڤێ پەیمانا ئەتۆمی بێ پاراستن.
