جۆ وێلسۆن نەرازیبوونەکە توند نیشانی حەشدا شەعبی و حکوومەتا ئیراقێ دا و راگھاند کو بێرێزییا چەکداران یا ل ئالایا ئامەریکایێ نیشانەیا وێ یەکێ یە کو ئیراق بوویە “پارێزگەھەکە ئیرانێ”.
ئەندامێ کۆنگرەیا ئامەریکایێ جۆ وێلسۆن ھەر وھا خوەست کو “ئیراق ژ بن دەستھلات و ھەگەمۆنیا تەھرانێ وەرە رزگار کرن.”
جۆ وێلسۆن ل سەر حەسابێ خوە یێ Xێ چەند وێنە پارڤە کرن کو تێ دیتن چەکدارێن حەشدا شه‌عبی یێن کو بەشەکن ژ ھێزێن ئەولەھیێ یێن فەرمی یێن حکوومەتا ئیراقێ، بێرێزیێ ل ئالایا ئامەریکایێ دکن و پەسنێ دەستھلاتدارێن ئیرانێ ددن.
جۆ وێلسۆن د پەیامێ دە بەرێ گۆتنا خوە دا سەرۆکوەزیرییا ئیراقێ و گۆت:
“ئەگەر ژ بۆ کو ھوون بزانن ئیراق پارێزگەھەکە ئیرانێ یە پێدڤییا وە ب دەلیلێن زێدەتر ھەبوو، ڤایە ئەڤە دەلیل.”
وێلسۆن ھەر وھا پرسی، “گەلۆ نێرینا وە یا ل سەر ئامەریکایێ ئەڤە؟” و د داویا پەیاما خوە دە درووشما “ئیراقێ ژ ئیرانێ رزگار بکن” نڤیسی.
