ترامپی جه‌زایێن نوو ل سه‌ر ئیرانێ په‌ژراندن

ترامپی جه‌زایێن نوو ل سه‌ر ئیرانێ په‌ژراندن

سه‌رۆكێ ویلایه‌تێن یه‌كبوویی یێن ئه‌مه‌ریكایێ ئیرۆ راگهاند، وی پاكێجه‌كه‌ جه‌زایێن نوو ل سه‌ر كۆمارا ئیسلامی یا ئیرانێ په‌ژراندن.

پشتی ئێریشا مۆشه‌كی یا ئیرانێ ل سه‌ر پێگه‌ها سه‌ربازی یا ئه‌ین ئه‌ل ئه‌سه‌د ل رۆژئاڤا ئیراقێ كو هێزێن ئه‌مه‌ریكی تێده‌ جی دگرن و ئیرانێ ژ بۆ تۆلهلدانا كوشتنا قاسم سوله‌یمانی ئه‌و ئێریش كربوو، سه‌رۆكێ ئه‌مه‌ریكایێ پاكێجه‌كه‌ جه‌زایێن نوو ل سه‌ر وی ولاتی په‌ژراندن.

دۆنالد ترامپ دبێژه‌: من ئیرۆ پاكێجه‌كه‌ نوو یا جه‌زایێن ئابووری ل سه‌ر ئیرانێ په‌ژراندن و ئیمزه‌ ل سه‌ر كر، وه‌زاره‌تا گه‌نجینێ وێ ل وه‌خته‌كه‌ نێزیك وان جه‌زایان ئیلان بكه‌.

هه‌ر وها ده‌ست نیشان كر، هه‌گه‌ر وی بریارا جه‌نگێ ل دژی ئیرانێ دا، ئه‌و ناخوازه‌ ڤه‌گه‌ر كۆنگرێسێ و ئه‌وێ وێ بریارێ ته‌كئالی بده‌.

ل ده‌ربارا لهه‌ڤهاتنا ئه‌تۆمی، سه‌رۆكێ ئه‌مه‌ریكایێ ئاماژه‌ كر، ئه‌وێ لهه‌ڤهاتنێ په‌ره‌یه‌كێ ئێكجار مه‌زن خسته‌ ده‌ست ئیرانێ ده‌ و ئیرانێ ئه‌و په‌ره‌ ژ بۆ تێكدانا رۆژهلاتا ناڤین ب كارئانیه‌.

د مژارا كه‌تنا باله‌فرا نه‌فه‌ر هه‌لگرا ئۆكراینا ژی، دۆنالد ترامپ دبێژه‌: وان گۆمان هه‌نه‌ كو ئه‌و باله‌فره‌ ب مۆشه‌كه‌كێ ب شاشێتی ڤه‌ هاتبه‌ ئێخستن.

لێ د به‌رسڤا وێ گۆمانا ترامپ ده‌، كۆمارا ئیسلامی یا ئیرانێ ته‌كه‌ز دكه‌ كو ئه‌و باله‌فره‌ ب تو مۆشه‌كا نه‌هاتیه‌ ئێخستن، لێ ئه‌و ب خوه‌ كه‌تییه‌.