ترامپ پشتگریێ دده‌ خوه‌پێشاندانێن ته‌هرانێ

ترامپ پشتگریێ دده‌ خوه‌پێشاندانێن ته‌هرانێ

سه‌رۆكێ ویلایه‌تێن یه‌كبوویی یێن ئه‌مریكایێ، پشتگریا ولاتێ خوه‌ ژ بۆ خوه‌پێشاندانێن ته‌هرانێ راگهاند كو دوهـ ب سه‌ده‌ما خستنا باله‌فرا ئۆكراینی ده‌ست پێ كرنه‌.

دۆنالد ترامپ، سه‌رۆكێ ئه‌مه‌ریكایێ ل حه‌سابا خوه‌ یا تویته‌رێ و بۆ جارا یه‌كه‌مین ب زمانێ فارس په‌یامه‌ك ژ بۆ گه‌لێ ئیرانێ شاند و تێده‌ پشتگری ژ بۆ خوه‌پێشاندانانێن وان ل دژی ده‌ستهلاتێ ئه‌شكه‌ره‌ كریه‌.

ترامپ نڤیساندیه‌: «گه‌لێ ئیرانێ وێره‌ك و سته‌م دیتی یه‌، هه‌ر ژ بۆ ڤێ سه‌ده‌مێ ئه‌مه‌ریكا پشتگریێ دده‌ وان و دێ ل سه‌ر پشتگرییا خوه‌ ژی بدۆمه»‌.

هه‌ر وها دبێژه‌: «ئه‌وێن كو د خوه‌پێشاندانێن گه‌لێ ئیرانێ ژی دگه‌هن، ئه‌مێ ب هووری چاڤدێریا وان كن و پشتگریێ ددن وان ژی».

دوهـ رۆژا شه‌می 11/1/2020ان ب سه‌ده‌ما دانپێدانا سپایێ پاسدارێن ئیرانێ ب خستنا باله‌فرا نه‌فه‌ر هه‌لگر یا ئۆكراینی، خوه‌پێشاندان ل ته‌هرانێ چێبوون و خوه‌پێشانده‌ران سلۆگانا مرن ژ بۆ دره‌وكه‌ران هلدان و هه‌ر وها داخوازا ده‌ست به‌ردانا ده‌ستهلاتێ ژ به‌رپرسیارێن ولاتێ خوه‌ كرن.