رۆژنامەیەکە ئەمەریکی ئاماژە ب وێ دکە، پێش کوشتنا قاسم سولەیمانی، ئەمەریکایێ تەنێ سەرکردەیەک ل رۆژھلاتا ناڤین دەربارێ پلانا کوشتنا قاسم سولێیمانی فەرماندارێ سوپایێ قودس یێ ئیرانێ دە ئاگاھدار کربوو.

رۆژنامەیا New York Times ئا ئەمەریکی راگھاند، نەتانیاھو تاکە سەرکردە بوویە کو ژ ئالیێ مایک پۆمپەئۆ، وەزیرێ دەرڤەیێ ئەمەریکایێ ڤە پێش کوشتنا قاسم سولێیمانی پلانا کوشتنا سولەیمانی ژ وی رە ھاتیە ئەشکەرە کرن.

ل گۆر New York Times، سەرۆکوەزیرێ ئیسرایلێ بەنیامن نەتانیاھو ھاتبوو ئاگاھدارکرن کو ئەمەریکا مژوولی دارشتنا پلانەکە سەربازیە ژ بۆ کوشتنا قاسم سولەیمانی. ژبلی نەتانیاھو تو بەرپرس یان سەرکردەیەک دن ل رۆژھلاتا ناڤین ل سەر ڤێ بوویەرێ نەھاتبوو ئاگاھدارکرن.

ڤێ رۆژنامەیێ هەروەها ئەشکەرە کر کو دەزگەھا ئستخبارەتا ئیسرایلێ ل سووریێ چرکە ب چرکە زانیاریێن ئستخبارەتی ددانە ئاژانسا ئستخبارەتا ناڤەندییا ئەمەریکایێ ل سەر تەڤگەر و گەشتێن فرۆکەڤانییێن قاسم سولێیمانی.

تێ زانین کو ل رۆژا ٣ێ ڤێ مەھێ، قاسم سولەیمانی، فەرماندارێ سوپایایێ قودسا ئا سوپایێ پاسدارێن ئیرانێ و ئەبو مەھدی موھەندس، جیگرێ سەرۆکێ دەستەیا ھەشدا شەبی و ھەژمارەکە فەرماندارێن سوپایێ پاسداران و ھەشدا شەبی ل بەر فرۆکەخانەیا بەخدایێ ژ ئالیێ فرۆکەیا بێ پیلۆتا ئەمەریکایێ ڤە ھاتن کوشتن.