ترامپ بۆ سه‌ركرده‌یێن ئیرانێ: «خوه‌پێشانده‌ران نه‌كوژن»

ترامپ بۆ سه‌ركرده‌یێن ئیرانێ: «خوه‌پێشانده‌ران نه‌كوژن»

سه‌رۆكێ ویلایه‌تێن یه‌كبوویی یێن ئه‌مه‌ریكایێ ئیرۆ په‌یام ژ بۆ ده‌ستهلاتا ئیرانێ شاند و ژ وان خواست كو خوه‌پێشانده‌ران نه‌كوژن.

سه‌رۆكێ ئه‌مه‌ریكایێ ئیرۆ ل هه‌سابا خوه‌ یا تویته‌رێ په‌یام ژ بۆ ده‌ستهلاتا كۆمارا ئیسلامی یا ئیرانێ شاند و تێده‌ ب زه‌لالی ژ وان خواستیه‌ كو ڤێ جارێ خوه‌پێشانده‌ران نه‌كوژن، و گۆت: «جارا دن هه‌وه‌ ب هه‌زاران ژ وان كوشتنه‌ و زیندان كرنه‌، جیهان ته‌ئقیبا هه‌وه‌ دكه»‌.

سه‌رۆكێ ئه‌مه‌ریكایێ هه‌ر وها د نڤیسینه‌: «ژ ئەڤێ ھەموویێ گرینگتر، ئەمەریکا چاڤدێریا ھەوە دکە، خه‌تا ئینتەرنێتێ ڤەگەرینن و ئازادیێ بدن رۆژنامەڤانان و ژ كوشتنا گه‌لێ خوه‌ یێ مه‌زن راوه‌ستن».

ئه‌ڤ په‌یاما سه‌رۆكێ ئه‌مه‌ریكایێ ژ بۆ ئیرانێ هه‌موه‌ختا برێڤه‌چوونا خوه‌پێشاندانێن ته‌هرانێ تێ كو دوهـ ب سه‌ده‌ما دانپێدانا سوپایێ پاسداران ژ بۆ خستنا باله‌فرا نه‌فه‌ر هلگرا ئۆكراینی ده‌ست پێ كرنه‌.

پوستێن ھەمان بەش