ئەمەریکا گەفا سزایێن ئابووری ل ئیراقێ دکە

ئەمەریکا گەفا سزایێن ئابووری ل ئیراقێ دکە

رۆژنامەیە وۆل ستریت بەلاڤکر، گەر ئیراقا بریارا دەرکرنا هێزێن ئەمەریکا ل ئیراقێ ژبەر کوشتنا قاسم سولەیمانی فەرماندارێ فەیلەقا قودس ئا سوپایێ پاسدارێن ئیرانێ بێخە وارێ جیبجیکرنێ دە، ل وێ دۆنالد ترامپ سەرۆکێ ئەمەریکایێ وێ ئابوورا ئیراقێ لاواز بکە.

ڤێ رۆژنامەیێ ژ زاردەڤێ هنەک ژ رایەدارێن ئیراقی کو نەخواستینە ناڤێ وان وەرە ئەشکەرە کرن بالاڤ کریە، وەزارەتا دەرڤە یا ئەمەریکایێ هشداری دایە ئیراقێ کو هەژمارا بانکا ناڤەندی یا ئیراقێ د بەنکا فەدەرالی ل نیویۆرکێ قەپات بکەت، ئەگەر ئیراق بریارا دەرکرنا هێزێن ئەمەریکایێ ل ئیراقێ ژ بەر کوشتنا قاسم سولەیمانی بێخە وارێ جیبجیکرنێ دە.

ل گۆرەی وان رایەدارێن ئیراقی گەر وەزارەتا دەرڤە یا ئەمەریکا ڤێ هەنگاڤێ بهاڤێژیت ل وێ دەمێ دێ زرارەک مەزن ب ئابوورا ئیراقێ کەڤیت، ژبەرکو هەموو داهاتێ فرۆشتنا پەترۆلا ئیراقێ دچە ناڤ بەنکا فەدەرالی ل نیویۆرکێ، ئیراق هەتا پەرە ژ بۆ پێدانا مووچە و گرێبەستێة گشتی ژی ل ڤێ بەنکێ دکێشیت.

تێ زانین کو ل هەفتەیا رابووری دە سەرۆکێ ئەمەریکا، دۆنالد ترامپ گەف ل ئیراقێ کربوون کو گەر بەغدا داخوازا ڤەکێشا هێزێن ئەمەریکا ل ئیراقێ بدە ل وێ دەمێ ئەمەریکا وێ سزایێن ئابووری یێن هەری مەزن لسەر ئیراقێ بسەپینە.