ئیراق دەڤ ژ بریارا ده‌رخستنا هێزێن ئه‌مه‌ریكایێ به‌رناده‌

ئیراق دەڤ ژ بریارا ده‌رخستنا هێزێن ئه‌مه‌ریكایێ به‌رناده‌

سه‌رۆكتیا ئه‌نجوومه‌نا وه‌زیرێن ئیراقا فه‌ده‌رال ئیرۆ ئه‌شكه‌ره‌ كر، ئه‌و ده‌ڤ ژ بریارا ده‌رخستنا هێزێن ئه‌مه‌ریكایێ به‌رناده‌ن و ت گاڤه‌كێ پاشڤه‌ ناهاڤێژن.

بەردەڤکێ چاپەمەنیێ یێ سەرۆکوەزیرتیا ئیراقێ د جڤینا چاپەمەنیێ دا گۆت: «ھکوومەت د مژارا بریارا دەرخستنا ھێزێن بیانی و ھێزێن ئه‌مەریکایێ ده‌ڤ ژ بریارا پارلمه‌نێ به‌رناده‌ و وێ بۆ پاشڤە تو گاڤه‌كێ نه‌هاڤێژه‌».

دەر بارێ ئیدیعایێن کو ب ئه‌مەریکایێ ره‌ ژ بۆ ئەسکەرێن وێ د چارچووڤەیا ته‌کۆشینا دژی دائیشێ دا بمینن پەیمانەکە نوو ھاتیە ئیمزەکرن دا گۆت: «ھکوومەتێ پەیمانەکە وھا ئیمزە نەکر، مەجلسێ ژ بۆ ھکوومەتێ وەک پێشنیاز بریارەک دا و ئەو بریار ژی ھەموو ژ بۆ دەرخستنا ھەموو ھێزێن بیانی یە«.

پارلمه‌نا ئیراقێ د روونشتنا نه‌ئاسایی یا کو ل ڤێ مه‌هێ هاتیه‌ ل دارخستن، ژ بۆ كو ھێزێن بیانی ویێن ئه‌مەریکایێ ژ ولات بێن دەرخستن ب پر دەنگی بریار دابوو.