ئه‌ردۆگان گه‌فان ل حه‌فته‌ر دكه‌

ترکیێ گەفان ل جەنەرال حەفتەر دکە

ترکیێ سەبارەت ئێریش کرن ل سەر هێزێن هکوومەتا لیبیا ل تەرابلۆسێ هۆشداریێ ددە جەنەرال حەفتەر، فەرماندارێ ئارته‌شا نەتەوەیی یێ لیبیایێ.

 رەجەب تەییب ئەردۆگان، سەرۆک کۆمارێ ترکیێ دبێژه‌: «ئەم ل ترکیێ بەرپرسیارین ژ پاراستنا گەلێ خوە ل لیبیایێ» و گۆتیە كو گەر ترکیێ دەستوەردان د لیبیا دە نەکربا، هێزێن جەنەرال خەلیفە  حه‌فته‌ر دا هەموو لیبیایێ ئێخت بن دەسهلاتداریا خوە دە.

 هەروەها ئه‌ردۆگان راگهاند کو گەر جەنەرال حەفتەر، ئێریشی هکوومەتا لیبیایێ کو جڤاکا ناڤدەولەتی ئەو ب فەرمی ناساندیە بکە، ترکیێ وێ وانەیەکێ ب وی بدە کو تو جاران ژبیر نەکە.

رۆژا رابووری، فایز ئه‌ل سه‌راج، سەرۆک وەزیرێ هکوومەتا ویفاق یا نەتەوی یا لیبیایێ، و جەنەرال حەفتەر، سەرۆکێ ئارته‌شا نەتەوەیی یا لیبیایێ، ب ئاوایەکە نە راستە راست د جڤینەکێ دە ل مۆسکۆیێ بەشدار بوون، هەردوئالی گهابوون لهەڤهاتنێ ل سەر ئاگربەستا دەمکی.

لێ رۆژا سێشەمی 14/1/2020ان هات ئەشکەرە کرن کو رووسیێ و ترکیێ کو پالپشتێن ڤێ جڤینێ بوون نەکارین جەنەرال هەفتەر رازی بکن کو ژ ئۆپەراسیۆنێن خوە یێن 9 ڤێ مه‌هێ ژ بۆ کۆنترۆل کرنا پایتەختا لیبیایێ پاشگەز ببە.

جڤینا مۆسکۆ نووترین بزاڤن ژ بۆ ڤەگەراندنا ئارامیێ ژ بۆ لیبیایێ کو ژ دەما ژناڤچوونا رەژێما موعه‌مر قەزافی ل سالا 2011ان، بوو مەیدانا پەڤچوونێن هۆز و ئالیێن د ناڤا لیبیایێ دە.