نێچیرڤان بارزانی بەشداری کۆربەندا داڤۆسێ دبە

سەرۆکێ ھەرێما کوردستانێ نێچیرڤان بارزانی، وێ بەشداری  کۆربەندا ئابۆریا داڤۆسێ ببە، کو بریارە ل ٢١ێ ھەیا ٢٤ێ ڤێ مەھێ ل ولاتێ سویسرایێ برێڤە بچە.

تێ زانین کو سالانە ل ٢٣ێ هەیا ٢٦ێ هەیڤا کانوونا دویێ کۆربەندا ئابۆری یا جیهانی “داڤۆس” ل ولاتێ سۆئیسرایێ ب بەشداریا سەرۆکێن دەهان ولاتێن جیهانێ برێڤە دچە، و بریارە ئیسال نیچیرڤان بارزانی ژی بەشداری کۆربەندا داڤۆسێ ببە، و بریارە د ڤێ کۆربەندێ دە مژارێن ئالۆزیێن د ناڤبەرا ئامەریکا و ئیرانێ دە و کارڤەدانێن وێ ل سەر ئارامیا ئیراقێ بێنە گۆتووبێژکرن.

ل گۆری بەرنامەیا کۆربەندێ، سەرۆکێ ھەرێما کوردستانێ نێچیرڤان بارزانی، وێ ل ٢٣ مەھێ بەشداری پانێلەکێ ببە، کو ئەو پانێل تێکلداری باندۆرا ئالۆزیێن د ناڤبەرا ئامەریکا و ئیرانێ یە، کو ئەڤ کریز بوویە کریزەکە جیھانییە، و ھەروھا وێ گۆتوبێژ ل سەر باندۆرا وێ کریزێ ل سەر ئاشتی و ئارامیا ئیراقێوەرە کرن.

سەرۆکێ ھەرێما کوردستانێ د سالا ٢٠١٨ان دە ژی، وەک سەرۆکوزیرێ ھەرێما کوردستانێ ب سەرۆکاتیا شاندەکێ بەشداری کۆربەندا داڤۆسێ ببوو.