رژێما سووریێ و هێزێن رووسیا فه‌ده‌رال ل دو مه‌هێن رابووری پێتر ژ 300 كه‌سان ل ئدلبێ كوشتنه، ژ وێ هه‌ژمارێ پێتر ژ 100 كه‌سان زارۆنه.
ل گۆر راپۆرا رێخستنێن مافێن مرۆڤان، ل دو مه‌هێن رابووری و ل ناڤچه‌یێن ب ناڤێ كێم كرنا ئالۆزیێ، ب سه‌ده‌ما ئێریشێن به‌رده‌وام یێن رژێما سووریێ و رووسیا فه‌ده‌رال، هه‌ژمارا 313 كه‌سان ل ئدلبێ و ده‌ردوورا وێ هاتنه كوشتن.
هات ته‌سبیت كرن، ژ وێ هه‌ژمارێ پێتر ژ 100 كه‌سێن كو هاتنه كوشتن زارۆنه.
هه‌ر وها رێخستنێن مافێن مرۆڤان ده‌ست نیشان كرنه، 48 مزگه‌فت، 3 ناڤه‌ند به‌ره‌ڤانییا باژار، ئه‌ره‌به‌یه‌كا ئه‌مبولانس، 9 تیمێن ساخله‌میێ، 15 بنگه‌هێن ساخله‌میێ، 11 خیڤه‌ت و هه‌شت ناڤه‌ندێن ئاڤێ، 51 دبستان و 14 بازار هاتنه هه‌ده‌ف كرن.
ل ده‌ربارا ئاواره و كۆچبه‌ر بوونا ولاتییان ژ به‌ر ئێریشان، رێخستنێن مافێن مرۆڤان دیار كرن كو د 57 رۆژێن رابووری ده، 67 هزار مالبات ئاواره بوونه ناڤچه‌یێن ئێمن.
